បរទេស៖ ក្រសួងការបរទេសនៃប្រទេសរុស្សី កាលពីថ្ងៃព្រហស្បតិ៍ម្សិលមិញ បានធ្វើការឆ្លើយតបទៅនឹង សកម្មភាពដែលខ្លួនហៅថា មិនរាក់ទាក់ឬ Unfriendly Actions នៃរដ្ឋក្នុងតំបន់ប៉ាល់តិកទាំង៣ តាមរយៈការបិទទីតាំងស្ថានកុងស៊ុលទាំង ៣ប្រទេសដូចជា អេស្តូនីឡាតវៀត និងលីទុយអានី។
មុននេះក្រសួងក៏ បានធ្វើការប្រកាស កោះហៅតំណាងកំពូល នៃបេសកកម្មការទូត របស់ប្រទេសទាំងនេះ ដើម្បីមកសម្តែងការតវ៉ា ប្រឆាំងដោយរដ្ឋាភិបាលក្រុងមូស្គូចំពោះ សកម្មភាពនិងវិធានការ របស់ពួកគេកន្លងមកផងដែរ។
ជាលទ្ធផលនៅក្នុងអំឡុង កិច្ចប្រជុំនោះប្រទេសរុស្សីក៏បានប្រកាសថា នឹងដកចេញនូវប្រតិបត្តិការ ស្ថានកុងស៊ុលរបស់ខ្លួនទាំងអស់ ចេញពីប្រទេសទាំងបីដែល កំពុងដំណើរការនៅក្នុងទីក្រុង Saint Petersburgនិងទីក្រុង Pskov ៕
ប្រែសម្រួល៖ ស៊ុន លី
