ភ្នំពេញ៖ បុរសជនជាតិជាប់ចោទចំនួន ២នាក់ កាលពីថ្ងៃទី២១ ខែមិថុនា ឆ្នាំ២០២២ ត្រូវបាន សាលាដំបូងរាជធានីភ្នំពេញ ប្រកាសសាលក្រម ផ្តន្ទាទោសដាក់ពន្ធនាគារ ក្នុងម្នាក់ៗ កំណត់អស់មួយជីវិត និង ពិនិយជាប្រាក់ក្នុងមកម្មាក់ៗ ចំនួន ៨០ លានរៀល សម្រាប់ដាក់ចូលក្នុងថវិកាជាតិ ជាប់ពាក់ព័ន្ធនឹងការ ជួញដូរគ្រឿងញៀនជិត ១០គីឡូក្រាម ប្រព្រឹត្តនៅរាជធានីភ្នំពេញ កាលពីឆ្នាំ២០២១។
លោកស្រី ឈិន ដាវី ប្រធានក្រុមប្រឹក្សាជំនុំជម្រ នៃសាលាដំបូងរាជធានីភ្នំពេញ បានឲ្យដឹងថា ជនជាប់ចោទ២នាក់មាន៖ ទី ១-ឈ្មោះ JIA ZHIYANG ភេទប្រុស អាយុ២៩ឆ្នាំ ជនជាតិចិន ។ និង ទី២-ឈ្មោះ ZHANG LEILIN ភេទប្រុស អាយុ២៦ឆ្នាំ ជនជាតិចិន ។
លោកស្រីចៅក្រមបានថ្លែងថា ជនជាប់ចោទទាំង២នាក់ ត្រូវបានតំណាងអយ្យការ ចោទប្រកាន់ ពីបទ: ជួញដូរគ្រឿងញៀន ដោយខុសច្បាប់ នូវ សារធាតុញៀន តាមមាត្រា ៤០ ស្តីពីច្បាប់ការគ្រប់គ្រងគ្រឿងញៀន។
ពួកគេ ត្រូវបានសមត្ថកិច្ចនគរបាល ប្រឆាំងគ្រឿងញៀនចាប់ខ្លួន កាលពីថ្ងៃទី ០៥ ខែ កុម្ភៈ ឆ្នាំ នៅចំណុចមុខបុរីប៉េងហួត(បឹងស្នោ ) នៅតាមផ្លូវជាតិលេខ១ និងបន្តទៅឈានឆែកឆេ ផ្ទះលេខ៣៥ ផ្លូវលេខP០៤ ក្នុងបុរីប៉េងហួត(បឹងស្នោ )សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ ។
សមត្ថកិច្ចនគរបាលប្រឆាំងគ្រឿងញៀន រឹបអូសបានថ្នាំញៀនប្រភេទមេតំហ្វីតាមីន សរុប ៩.៧៨៣,៧៣ ក្រាម ( ជិត ១០ គីឡូក្រាម) ពីពួកគេ៕
ដោយ: លីហ្សា
