ភ្នំពេញ៖ នាយឧត្តមសេនីយ៍ ចៅ ភិរុណ អគ្គនាយក អគ្គនាយកដ្ឋានសម្ភារៈបច្ចេកទេស ក្រសួងការពារជាតិ និងជាប្រធានគណៈកម្មាធិការ សហប្រតិបត្តិការ ការងារបច្ចេកទេស វិទ្យាសាស្រ្ត និងឧស្សាហកម្មការពារជាតិ និងលោកវរសេនីយ៍ឯកពិសេស TANG HAO ប្រធានការិយាល័យ អនុព័ន្ធយោធា សាធារណរដ្ឋប្រជាមានិតចិន នៅថ្ងៃទី១១ ខែសីហា ឆ្នាំ២០២២ បានអញ្ជើញជាអធិបតីភាព ក្នុងពិធីប្រគល់-ទទួល សម្ភារៈជំនួយ របស់ក្រសួងការពារជាតិ សាធារណរដ្ឋប្រជាមានិតចិន ជូនក្រសួងការពារជាតិ នៃព្រះរាជាណាចក្រកម្ពុជា។
![](https://dap-news.com/wp-content/uploads/2022/08/photo_2022-08-11_16-16-33-1-1024x682.jpg)
មុនមួយថ្ងៃ នៃពិធីប្រគល់-ទទួល សម្ភារៈជំនួយយោធានេះ សម្ដេចពិជ័យសេនា ទៀ បាញ់ ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិកម្ពុជា តាមរយៈបណ្ដាញសង្គមហ្វេសប៊ុក បានលើកឡើងថា «ក្នុងបរិបទបច្ចុប្បន្ន និងទៅអនាគត ស្ថានភាពសន្តិសុខ នយោបាយ ក្នុងតំបន់ និងពិភពលោកមានភាព កាន់តែស្មុគស្មាញមិនច្បាស់លាស់ ដូចនេះកិច្ចសហប្រតិបត្តិការ យោធាកម្ពុជា ចិន ពិតជាមានសារៈសំខាន់ ក្នុងការលើកកម្ពស់ សមត្ថភាព នាយទាហានវ័យក្មេងបន្តវេន លំហាត់ហ្វឹកហ្វឺនរួមគ្នា និងការធ្វើទំនើបកម្មហេដ្ឋារចនាសម្ព័ន្ធ យុទ្ធោបករណ៍ សម្រាប់ការពារអធិតេយ្យភាព បូរណភាពទឹកដីប្រទេសជាតិ» ៕
![](https://dap-news.com/wp-content/uploads/2022/08/photo_2022-08-11_16-16-37-1-1024x682.jpg)
![](https://dap-news.com/wp-content/uploads/2022/08/photo_2022-08-11_16-16-41-1-1024x682.jpg)
![](https://dap-news.com/wp-content/uploads/2022/08/photo_2022-08-11_16-16-45-1-1024x682.jpg)
![](https://dap-news.com/wp-content/uploads/2022/08/photo_2022-08-11_16-16-50-1-1024x682.jpg)
![](https://dap-news.com/wp-content/uploads/2022/08/photo_2022-08-11_16-16-54-1-1024x682.jpg)
![](https://dap-news.com/wp-content/uploads/2022/08/photo_2022-08-11_16-16-58-1-1024x682.jpg)
![](https://dap-news.com/wp-content/uploads/2022/08/photo_2022-08-11_16-17-05-1-1024x682.jpg)
![](https://dap-news.com/wp-content/uploads/2020/08/1-1.png)