ភ្នំពេញ៖ បុរសជាប់ចោទគ្រឿងញៀន ម្នាក់ កាលពីថ្ងៃទី ១១ ខែ សីហា ឆ្នាំ ២០២២ ត្រូវបានសាលាដំបូងរាជធានីភ្នំពេញ ផ្តន្ទាទោស ដាក់ពន្ធនាគារ រយៈពេល ២០ ឆ្នាំ និង ពិន័យ ជាប្រាក់ ចំនួន ២០ លានរៀល សម្រាប់បង់ចូលថវិការដ្ឋ ជាប់ពាក់ព័ន្ធនឹងការដឹកជញ្ជូន និង ជួញដូរគ្រឿងញៀន ជាង ៧ គីឡូក្រាម ប្រព្រឹត្ត នៅចំណុចផ្លូវ៥A បុរី លឹម ឈាងហាក់ ស្ថិតក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។
លោក កេត សុជាតិ ជាប្រធានក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញ បានឲ្យថ្លែងដឹងថា ជនជាប់ចោទ រូបនេះមានឈ្មោះ ជា ចាន់ដារ៉ា ភេទប្រុស អាយុ៣៥ឆ្នាំ ជនជាតិខ្មែរ មុខរបរ មិនពិតប្រាកដ។
ជនជាប់ចោទ ឈ្មោះ ជា ចាន់ដារ៉ា
ត្រូវបានជាប់ចោទពីបទ: ដឹកជញ្ជូន និង ជួញដូរគ្រឿងញៀន ដោយខុសច្បាប់ នូវ សារធាតុញៀន តាមមាត្រា ៤០ ស្តីពីច្បាប់ការគ្រប់គ្រងគ្រឿងញៀន។
គាត់ត្រូវបានចាប់ឃាត់ខ្លួន ដោយសមត្ថកិច្ចនគរបាលប្រឆាំងគ្រឿងញៀន
កាលពីថ្ងៃទី ១ ខែ វិច្ឆិកា ឆ្នាំ២០២០ នៅចំណុចផ្លូវ៥A បុរី លឹម ឈាងហាក់ ស្ថិតក្នុងភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
សមត្ថកិច្ចនគរបាលប្រឆាំងគ្រឿងញៀន
រឺបអូសបានគ្រឿងញៀន ប្រភេទមេតំហ្វេតាមីន(ICE)ទម្ងន់៧៦២២ក្រាម (ជាង៧ គីឡូក្រាម) ៕ដោយ: លីហ្សា
