ភ្នំពេញ៖ លោកឧត្តមនាវីឯក ទៀ សុខា មេបញ្ជាការរង កងទ័ពជើងទឹក និងជាមេបញ្ជាការ ទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រ ព្រមទាំងប្រតិភូអមដំណើរ នៃកងទ័ពជើងទឹក នាថ្ងៃទី៤ ខែតុលា ឆ្នាំ២០២២នេះ បានអញ្ជើញចូលរួម កិច្ចប្រជុំដកពិសោធន៍ ស្តីពីបណ្តាញព័ត៌មានទាន់ហេតុការណ៍ រវាងទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រ ជាមួយឆ្មាំសមុទ្រវៀតណាម នៅទីក្រុងហាណូយ នៃសាធារណរដ្ឋ សង្គមនិយមវៀតណាម ។
គួរឲ្យដឹងថា លោកឧត្តមនាវីឯក ទៀ សុខា បានដឹកនាំប្រតិភូទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រ ទៅបំពេញទស្សនកិច្ច និងចូលរួមកិច្ចប្រជុំដកពិសោធន៍ ស្តីពីបណ្តាញព័ត៌មានទាន់ហេតុការណ៍ ជាមួយឆ្មាំសមុទ្រវៀតណាម នៅទីក្រុងហាណូយ នៃសាធារណរដ្ឋសង្គមនិយមវៀតណាម ដែលចាប់ផ្តើមពីថ្ងៃទី៣ ដល់ថ្ងៃទី៥ ខែតុលា ឆ្នាំ២០២២៕
