ភ្នំពេញ ៖ នៅរសៀលថ្ងៃទី១០ ខែវិច្ឆិកានេះ បន្ទាប់ពីបញ្ចប់កិច្ចប្រជុំជាមួយអន្តរសភា អាស៊ានហើយនោះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ាន រួមជាមួយបណ្តាមេដឹកនាំអាស៊ានដទៃទៀត បានអញ្ជើញជួបប្រជុំជាមួយ តំណាងយុវជនអាស៊ាន។
![](https://dap-news.com/wp-content/uploads/2022/11/photo_2022-11-10_17-02-55-1024x682.jpg)
សូមបញ្ជាក់ថា យុវជនត្រូវបានចាត់ទុកថា ជាកម្លាំងចលករដ៏សំខាន់ សម្រាប់ជំរុញកំណើនសេដ្ឋកិច្ច និងជាកម្លាំងផលិតកម្មដ៏មានសក្តានុពល។ យុវជនក្នុងតំបន់អាស៊ានអាយុចន្លោះពី១៥ ទៅ៣៤ឆ្នាំ មានចំនួនប្រមាណ ២១៣លាននាក់ ហើយមានការរំពឹងថា ចំនួនយុវជនអាចកើនដល់ ២២០លាននាក់នៅឆ្នាំ២០៣៨។
![](https://dap-news.com/wp-content/uploads/2022/11/photo_2022-11-10_17-02-59-1024x682.jpg)
អាស៊ាន បាននិងកំពុង យកចិត្តទុកដាក់ខ្ពស់ ក្នុងការលើកកម្ពស់សមត្ថភាព របស់យុវជន តាមរយៈការដាក់ចេញនូវគោល នយោបាយនានាគាំទ្រ ដល់ការអប់រំ និងផ្តល់បណ្តុះបណ្តាលជំនាញផ្សេងៗ ជាពិសេសការអប់រំផ្នែកឌីជីថល ដើម្បីឱ្យសង្គមមានការអភិវឌ្ឍរីកចម្រើន៕
![](https://dap-news.com/wp-content/uploads/2022/11/photo_2022-11-10_17-03-03-1024x682.jpg)
![](https://dap-news.com/wp-content/uploads/2020/08/1-1.png)