ភ្នំពេញ៖ កងទ័ពកម្ពុជា-ចិន នៅព្រឹកថ្ងៃទី២៣ ខែមីនា ឆ្នាំ២០២៣នេះ បានចាប់ផ្តើមបើកសមយុទ្ធនាគមាស ឆ្នាំ២០២៣ ក្រោមប្រធានបទ «ប្រតិបត្តិការការពារសន្តិសុខក្នុងព្រឹត្តិការណ៍ធំៗ និងការជួយសង្គ្រោះមនុស្សធម៌ នៃកងទ័ពប្រទេសទាំងពីរកម្ពុជា-ចិន»។ នេះបើតាមនាយកដ្ឋានព័ត៌មាន នៃទូរទស្សន៍ជាតិ ។
![](https://dap-news.com/wp-content/uploads/2023/03/photo_2023-03-23_11-23-06-1024x576.jpg)
ពិធីបើកសមយុទ្ធនាគមាសរួមគ្នា នាឆ្នាំ២០២៣ ជាលើកទី៥ ធ្វើឡើងក្រោមអធិបតីភាព លោកនាយឧត្តមសេនីយ៍ ហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោក នៃកងយោធពលខេមរភូមិន្ទ និងឧត្តមសេនីយ៍ទោ ឈិន មិនធានន នាយរងសេនាធិការកងទ័ពជើងគោកតំបន់ខាងត្បូង នៃកងទ័ពរំដោះប្រជាជនចិន។
![](https://dap-news.com/wp-content/uploads/2023/03/photo_2023-03-23_11-23-03-1024x576.jpg)
សមយុទ្ធនាគមាសនេះ នឹងធ្វើឡើងរយៈពេល១៤ថ្ងៃ ចាប់ពីថ្ងៃទី២៣ ខែមីនា ដល់ថ្ងៃទី៨ ខែមេសា ឆ្នាំ២០២៣ នៅមជ្ឈមណ្ឌលហ្វឹកហ្វឺនរបស់កងរាជអាវុធហត្ថ (ភ្នំជុំរីករាយ) ស្ថិតនៅក្នុងភូមិសាស្ត្រ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង។
ឧត្តមសេនីយ៍ទោ ថោង សូលីម៉ូ អ្នកនាំពាក្យអគ្គបញ្ជាការកងយោធពលខេមរភូមិន្ទ បានឲ្យដឹងថា នៅក្នុងសមយុទ្ធនេះ ភាគីកម្ពុជា មានកងទ័ពចូលរួមផ្ទាល់ចំនួន ៥៨៣នាក់ និងកងទ័ពចិនចំនួន ២៥៧នាក់៕
![](https://dap-news.com/wp-content/uploads/2023/03/photo_2023-03-23_11-23-13-1024x576.jpg)
![](https://dap-news.com/wp-content/uploads/2023/03/photo_2023-03-23_11-23-11-1024x576.jpg)
![](https://dap-news.com/wp-content/uploads/2023/03/photo_2023-03-23_11-23-17-1024x576.jpg)
![](https://dap-news.com/wp-content/uploads/2023/03/photo_2023-03-23_11-23-15-1024x576.jpg)
![](https://dap-news.com/wp-content/uploads/2023/03/photo_2023-03-23_11-23-19-1024x576.jpg)
![](https://dap-news.com/wp-content/uploads/2020/08/1-1.png)