ភ្នំពេញ ៖ លោក Jusuf Kalla អតីតអនុប្រធានាធិបតីឥណ្ឌូនេស៊ី និងជាប្រធានអង្គការអ្នកប្រជាធិបតេយ្យនិយមកណ្តាលអាស៊ីប៉ាស៊ីហ្វិកអន្តរជាតិ (CAPDI) និងជាប្រធានគណៈកម្មាធិការ គ្រប់គ្រងវិហារឥស្លាមឥណ្ឌូនេស៊ី បានសម្ដែងការគោរពសម្ដេចតេជោ ហ៊ុន សែននាយករដ្ឋមន្រ្តីកម្ពុជា ចំពោះការដឹកនាំដ៏ឈ្លាសវៃដែលបាននាំកម្ពុជា មកនូវសុខសន្តិភាព ស្ថិរភាព ជាពិសេសនាំមកសុខដុម បនីយកម្ម រវាងសាសនា។
![](https://dap-news.com/wp-content/uploads/2023/03/338140358_1252518102138394_2045129152431368091_n-1024x683.jpg)
នេះជាប្រសាសន៍របស់លោក ក្នុងជំនួបជាមួយសម្ដេចតេជោ នាថ្ងៃ២៨ មីនា ។ លោក Jusuf Kalla ក៏បានបញ្ជាក់គោរពសម្ដេចតេជោថា លោកបាននាំសាសនិកអ៊ីស្លាម មកកម្ពុជាជាង១០០នាក់ មកចូលរួមស្រាយបួស ហើយអ្វីដែលលោកបានឃើញ កាលពីម្សិលមិញគឺជាសុខដុមភាព និងសាមគ្គីភាពយ៉ាងល្អបំផុត រវាងសាសនានៅកម្ពុជា ។
![](https://dap-news.com/wp-content/uploads/2023/03/337391432_575237454366306_5234669936555554390_n-1024x683.jpg)
ជាការឆ្លើយតប សម្ដេចតេជោបានថ្លែងអំណរគុណលោក Jusuf Kalla បានដឹកនាំ សាសនិកអ៊ីស្លាម មកចូលរួមស្រាយបួសនៅកម្ពុជា។
![](https://dap-news.com/wp-content/uploads/2023/03/338374150_904645117449295_2179275079822931384_n-1024x683.jpg)
សម្ដេចតេជោប្រាប់លោក Jusuf Kalla ថា កម្ពុជា រៀបចំកម្មវិធីស្រាយបួសនេះជារៀងរាល់ឆ្នាំ ហើយសាសនានៅកម្ពុជាគឺមានសុខដុមភាព ទាំងរវាងសាសនាឥស្លាម សាសនាគ្រិស្ត និងសាសនាព្រះពុទ្ធ ៕
![](https://dap-news.com/wp-content/uploads/2023/03/338034381_1583668155486583_8634494509756719356_n-1024x683.jpg)
![](https://dap-news.com/wp-content/uploads/2020/08/1-1.png)