កំពង់ចាម ៖ ក្នុងពិធីសំណេះសំណាលជាមួយមន្ត្រីរាជការសាលាខេត្តកំពង់ចាម នាព្រឹកថ្ងៃទី ១៣ ខែមេសា ឆ្នាំ ២០២៣ នេះ អភិបាល ខេត្តកំពង់ចាម លោក អ៊ុន ចាន់ដា បានក្រើនរំលឹកដល់មន្ត្រីរាជការទាំងអស់ឲ្យពង្រឹងសមត្ថភាព ធ្វើកិច្ចការបម្រើសេវាជូនប្រជាពល រដ្ឋឲ្យកាន់តែមានទំនុកចិត្ត និងជាក្តីសង្ឃឹមរបស់ប្រជាពលរដ្ឋក្នុងខេត្តកំពង់ចាម ។
![](https://dap-news.com/wp-content/uploads/2023/04/photo_2023-04-13_13-45-13-1024x682.jpg)
លោកអភិបាលខេត្ត បានថ្លែងថា ឆ្នាំចាស់កន្លងទៅនេះ រដ្ឋបាលខេត្តកំពង់ចាមបានខិតខំរួមសាមគ្គីគ្នា ក្នុងការងារអភិវឌ្ឍន៍ និងកិច្ចការបម្រើសេវាជូនប្រជាពលរដ្ឋ បន្សល់ទុកនូវសមិទ្ធផលជាច្រើន គួរជាទីមោទនៈ ។ ប៉ុន្តែទោះជាយ៉ាងនោះក្តី កិច្ចការបន្ត នៅក្នុងឆ្នាំថ្មីនេះ មន្ត្រីរាជការនៃរដ្ឋបាលខេត្តទាំងអស់ ត្រូវរួបរួមគ្នាបន្តការងារទៅមុខទៀត គឺត្រូវប្រកាន់គោលការណ៍ ពង្រឹងនូវគុណភាព នៃស្ថាប័នមួយនេះ ឱ្យកាន់តែមានភាពរឹងមាំ ឲ្យកាន់តែមានជំនឿទុកចិត្ត ហើយនិងជាក្តីសង្ឃឹមរបស់ប្រជាពលរដ្ឋ។
![](https://dap-news.com/wp-content/uploads/2023/04/photo_2023-04-13_13-45-22-1024x682.jpg)
លោកអភិបាលខេត្ត បានបញ្ជាក់ថា ស្ថាប័នរដ្ឋបាលខេត្ត គឺជាចំណុចស្នូល ដែលដាក់ចេញជាទិសដៅ ដល់គ្រប់ភាគីពាក់ព័ន្ធ ទាំងអស់ ព្រមទាំងមន្ត្រីរាជការគ្រប់ ក្រុង ស្រុក ឃុំ សង្កាត់ ទទួលបានគោលការណ៍ យកទៅអនុវត្ត ធ្វើយ៉ាងណា កសាងនូវ ជំនឿទុកចិត្ត របស់ប្រជាពលរដ្ឋ ក្នុងការបំពេញភារកិច្ចរបស់ខ្លួន។
![](https://dap-news.com/wp-content/uploads/2023/04/photo_2023-04-13_13-45-26-1024x682.jpg)
លោកអភិបាលខេត្តបានបន្តថា ដើម្បីផ្ដល់ក្តីសង្ឃឹម និងជំនឿទុកចិត្តរបស់ប្រជាពលរដ្ឋ ដូច្នេះមន្ត្រីនៃរដ្ឋបាល ខេត្តកំពង់ចាម ត្រូវពង្រឹងសមត្ថភាព ពឹងផ្អែកទៅលើការបណ្ដុះបណ្ដាល នឹងត្រូវសិក្សាស្រាវ ជ្រាវឲ្យបានច្រើន បន្ថែមទៀត ពោលគឺ ត្រូវបន្តរៀនបន្ថែមទៀត តាមរយៈវគ្គបណ្ដុះបណ្ដាល ដើម្បីយកសមត្ថភាពពិតទៅបម្រើការងារ ទៅបម្រើប្រជាពលរដ្ឋមិនខុស គឺការបម្រើសេវាជូនប្រជាពលរដ្ឋប្រកបដោយ ប្រសិទ្ធភាព គុណភាព តម្លាភាព មិនប្រកាន់ មិនរើសអើង សាសនា ឬ និន្នាការនយោបាយឡើយ ៕
![](https://dap-news.com/wp-content/uploads/2020/08/1-1.png)