ភ្នំពេញ៖ លោក សយ សុភាព ប្រធានសមាគមអ្នកសារព័ត៌មាន កម្ពុជា-ចិន បានចេញលិខិតចំហ ដោយបានច្រានចោលទាំងស្រុង ចំពោះការចុះផ្សាយរបស់វិទ្យុអាស៊ីសេរី ក្នុងន័យមូលបង្កាច់ ទំនាក់ទំនងកម្ពុជា-ចិន។
ការចេញមុខច្រានចោលនេះ ធ្វើឡើងបន្ទាប់ពីវិទ្យុអាស៊ីសេរី បានចុះផ្សាយអត្ថបទមួយ ក្រោមចំណងជើង «ឥទ្ធិពលចិន កំពុងគ្របដណ្ដប់លើវិស័យ សារព័ត៌មាននៅកម្ពុជា»។
លោក សយ សុភាព ចាត់ទុកការមួលបង្កាច់នេះ គឺជាការខ្វះនូវវិចារណញ្ញាណ ជាមនុស្សមាន សភាវៈគតិ។
ក្នុងនោះលោកក៏បានអះអាងពីឯករាជ្យភាព របស់ខ្លួន ដោយមិនលក់ឧត្តមគតិឡើយ ហើយលោកក៏មិនចោទអ្នកថា ជាជនបំរើអាមេរិកនិងក្រុមប្រទេស៥អាយ ដាច់ថ្លៃដែរ តែចាត់ទុកក្រុមអ្នកទាំងនោះ ជាមនុស្សគ្រោះថ្នាក់ ចំពោះជាតិខ្លួនឯង ៕
