ពោធិ៍សាត់៖ លោកខូយ រីដា អភិបាល នៃ គណះអភិបាលខេត្តពោធិ៍សាត់ នៅព្រឹកថ្ងៃទី៤ ខែមករា ឆ្នាំ២០២៤ បានដឹកនាំមន្ត្រីជំនាញក្រោយឱវាទ ចុះពិនិត្យលើការបែងចែកទឹក ជូនប្រជាពលរដ្ឋធ្វើស្រែប្រាំង នៅភូមិដំណាក់អំពិល សង្កាត់លលកស ក្រុងពោធិ៍សាត់ ខេត្តពោធិ៍សាត់។
នៅក្នុងពេលចុះពិនិត្យ លោកអភិបាលខេត្ត បានជម្រាបជូនប្រជាពលរដ្ឋថា ផែនការរបស់មន្ទីរធនធានទឹក និង ឧតុនិយមខេត្ត មានលទ្ធភាពទឹកសម្រាប់ បង្កបង្កើនផលស្រូវរដូវប្រាំងគឺ ២២.០០០ ហិចតា តែមកដល់ពេលនេះការបង្កបង្កើនផលស្រូវរដូវប្រាំង របស់បងប្អូនប្រជាកសិករយើងរហូតដល់ ៥០.០០០ ហិចតាឯណោះ គឺលើសផែនការដែលទឹកនៅក្នុងអាងមាន។ លោកអភិបាលខេត្ត ក៍បានជូនដំណឹង អោយប្រជាកសិករ ផ្អាកការបង្កបង្កើនផលស្រូវរដូវប្រាំងជាលើកទី ២ ផងដែរ៕
