ភ្នំពេញ ៖ លោក ស្រី ដា អ្នកនាំពាក្យក្រសួងផែនការ បានបញ្ជាក់ថា ទំព័រ Facebook Page ផ្លូវការរបស់ក្រសួងផែនការ ដែលមានឈ្មោះថា “ក្រសួងផែនការ Ministry of Planning” ត្រូវបានជនអនាមិកលួច (Hack) យកទៅគ្រប់គ្រងទាំងស្រុង និងបានលុបចោលនូវទិន្នន័យមួយចំនួន នាព្រឹកថ្ងៃទី២៣ ខែកុម្ភៈ ឆ្នាំ២០២៤។
តាមរយៈបណ្ដាញតេឡេក្រាមផ្លូវការរបស់ក្រសួងផែនការ អ្នកនាំពាក្យរូបនេះបានឲ្យដឹងបន្តថា បច្ចុប្បន្ន ក្រុមការងារបច្ចេកទេសក្រសួងផែនការ កំពុងសហការជាមួយក្រសួងប្រៃសណីយ៍ និងទូរគមនាគមន៍ និងដាក់ពាក្យបណ្តឹងជាផ្លូវការ ទៅកាន់នាយកដ្ឋានជំនាញរបស់ក្រសួងមហាផ្ទៃ ដើម្បីបើកការស៊ើបអង្កេតជាផ្លូវការលើករណីនេះ៕
