ម៉ាឡេស៊ី៖ នាថ្ងៃទី៧ ខែមេសា ឆ្នាំ២០២៤ ក្រសួងការងារ និង បណ្តុះបណ្តាលវិជ្ជាជីវៈ បានសហការជាមួយស្ថាន ឯកអគ្គរាជទូតនៃព្រះរាជាណាចក្រកម្ពុជាប្រចាំប្រទេសម៉ាឡេសុី ក្រុមការងារ ESEA និងសមាគមខ្មែរនានា បានរៀបចំ“សង្ក្រាន្តខ្មែរនៅម៉ាឡេសុី” ដើម្បីអបអរសាទរពិធីបុណ្យចូលឆ្នាំថ្មីប្រពៃណីខ្មែរ ឆ្នាំរោង ឆស័ក ព.ស.២៥៦៧ នៅវត្តព្រះកែវរតនារង្សី ក្នុងតំបន់ Pontian រដ្ឋ Johor Bahru។
![](https://dap-news.com/wp-content/uploads/2024/04/photo_2024-04-08_08-19-54-1024x768.jpg)
កម្មវិធីប្រព្រឹត្តទៅដោយមានការរាប់បាត្រ សូត្រធម៌នមស្សការ ប្រគេនទ័យទាន ស្រង់ព្រះ ពូនភ្នំខ្សាច់ ការពិសារអាហារ និងនំបញ្ចុកសាមគ្គី ការលេងល្បែងប្រជាប្រិយខ្មែរ មានដូចជា ចោលឈូង ទាញព្រ័ត្រ លាក់កន្សែង វាយក្អម បោះអង្គុញ និងការរាំលេងកំសាន្ត។
![](https://dap-news.com/wp-content/uploads/2024/04/photo_2024-04-08_08-19-59-1024x768.jpg)
នាឱកាសនោះ លោកឯកអគ្គរាជទូត អ៊ុក ចាន់ដារ៉ា ក៏បានសំណេះសំណាល សាកសួរសុខទុក្ខបងប្អូនខ្មែរ ដែលបានមកចូលរួម និងបានផ្តាំផ្ញើបងប្អូនខ្មែរ នៅម៉ាឡេស៊ី ទាក់ទងមកស្ថានទូតក្នុងករណីមានកិច្ចការណាមួយ។ លើសពីនេះ លោកក៏បានចែកជូននូវវត្ថុអនុស្សាវរីយ៍ដល់អ្នកចូលរួមទាំងអស់ផងដែរ៕
![](https://dap-news.com/wp-content/uploads/2024/04/photo_2024-04-08_08-20-02-1024x768.jpg)
![](https://dap-news.com/wp-content/uploads/2024/04/photo_2024-04-08_08-20-06-1024x768.jpg)
![](https://dap-news.com/wp-content/uploads/2024/04/photo_2024-04-08_08-20-11-1024x768.jpg)
![](https://dap-news.com/wp-content/uploads/2024/04/photo_2024-04-08_08-20-15-1024x768.jpg)
![](https://dap-news.com/wp-content/uploads/2024/04/photo_2024-04-08_08-20-18-1024x768.jpg)
![](https://dap-news.com/wp-content/uploads/2020/08/1-1.png)