ព័ត៌មានអន្តរជាតិ
សភាជាន់ខ្ពស់របស់ប្រទេសអ៊ីតាលី អនុម័តកញ្ចប់ថវិកាសម្រាប់ឆ្នាំ២០២៥ ដែលមានទឹកប្រាក់ ៣០ ពាន់លានអឺរ៉ូដើម្បីជំរុញដល់កំណើនសេដ្ឋកិច្ច
រ៉ូម៖ កាលពីថ្ងៃសុក្រ សភាជាន់ខ្ពស់របស់ប្រទេសអ៊ីតាលី បានអនុម័តច្បាប់ថវិកាសម្រាប់ឆ្នាំ២០២៥ ដែលជាតំណាក់កាលចុងក្រោយក្នុងការអនុម័តកញ្ចប់ថវិកាដែលមានទឹកប្រាក់ចំនួន ៣០ពាន់លានអឺរ៉ូ ស្មើនឹងប្រហែល ៣១,២ពាន់លានដុល្លារសហរដ្ឋអាមេរិក ហើយថវិកានេះយកទៅប្រើប្រាស់ក្នុងគោលបំណងដើម្បីជំរុញដល់កំណើនសេដ្ឋកិច្ចតាមរយៈការកាត់បន្ថយពន្ធ ការលើកទឹកចិត្តសង្គម និងការចំណាយគោលដៅផ្សេងៗ ។ យោងតាមឯកសារដែលបានចេញផ្សាយកាលពីមុនបានឲ្យដឹងថា ជាងពាក់កណ្តាលនៃថវិកាខាងលើនឹងត្រូវបានបែងចែកដើម្បីកាត់បន្ថយពន្ធ និងរួមចំណែកដល់វិស័យសន្តិសុខសង្គម ។ ការបន្ធូរបន្ថយពន្ធនឹងត្រូវបានបន្តធ្វើដល់គ្រួសារដែលរកចំណូលបានរហូតដល់ ៤០.០០០អឺរ៉ូជារៀងរាល់ឆ្នាំ ខណៈអាជីវកម្ម ឬធ្វើការវិនិយោគឡើងវិញ នឹងត្រូវបានពិចារណាអំពីអត្រាពន្ធសាជីវកម្មរបស់ពួកគេដែលត្រូវបានកាត់បន្ថយពី២៤ ភាគរយមកនៅត្រឹម២០ភាគរយវិញ...
