ព័ត៌មានអន្តរជាតិ
ករណីភ្លើងឆេះព្រៃនៅរដ្ឋកាលីហ្វ័រនីញ៉ា ឈានដល់កម្រិតប្រកាសអាសន្នហើយ
អាមេរិក៖ ភ្លើងឆេះព្រៃដ៏ធំចំនួន២ដែលបានកើតឡើងនៅក្នុងរដ្ឋកាលីហ្វ័រនីញ៉ា បានបង្ខំអ្នកស្រុករាប់ពាន់នាក់ធ្វើការជម្លៀសខ្លួនចេញបន្ទាន់ ហើយកាលពីថ្ងៃសុក្រ ដោយបានបង្ខំឱ្យអភិបាលរដ្ឋកាលីហ្វ័រនីញ៉ា ធ្វើប្រកាសភាពអាសន្ន នៅក្នុងស្រុកចំនួន៣។ ភ្លើងឆេះព្រៃបានឆេះរាលដាល យ៉ាងឆាប់រហ័សនៅភាគខាងជើងនៃរដ្ឋកាលីហ្វ័រនីញ៉ា ដែលត្រូវបានគេដឹងថា ជាភ្លើងឆេះព្រៃ ដែលបានលេបត្របាក់ផ្ទៃដីចំនួន ២៣៩,១៥២ហិចតា ស្មើនឹងប្រហែល ៩៦៧.៨១គីឡូម៉ែត្រការ៉េ បើគិតត្រឹមល្ងាចថ្ងៃសុក្រ ដែលធ្វើឱ្យវាក្លាយជាភ្លើងឆេះព្រៃដ៏ធំបំផុតរបស់រដ្ឋមួយនេះនៅក្នុងឆ្នាំនេះ។ យោងតាមក្រសួងព្រៃឈើ និងការការពារភ្លើងរដ្ឋកាលីហ្វ័រនីញ៉ា បានឲ្យដឹងថា ភ្លើងឆេះដែលបានចាប់ផ្តើមកាលពីរសៀលថ្ងៃពុធនៅជិតទីក្រុង Chico...
