ព័ត៌មានអន្តរជាតិ
ការស្ទង់ប្រជាមតិរបស់CGTN៖ អ្នកចូលរួមការផ្តល់បទសម្ភាសន៍ នៅទូទាំងពិភពលោកចំនួនលើសពី៨០ភាគរយ កោតសរសើរ គោលនយោបាយ ការទូតរបស់ចិន
នាពេលថ្មីៗកន្លងទៅនេះ បណ្តាញទូរទស្សន៍អន្តរជាតិចិន ហៅកាត់ CGTN នៃអគ្គស្ថានីយវិទ្យុនិងទូរទស្សន៍មជ្ឈិមចិនបានសហការជាមួយសកលវិទ្យាល័យប្រជាជនចិន ធ្វើការស្ទង់ប្រជាមតិចំពោះអ្នកផ្តល់បទសម្ភាសន៍ចំនួន៣១៩៨០នាក់ក្នុងក្របខ័ណ្ឌទូទាំងពិភពលោក ដែលក្នុងនោះបូករួមទាំងអ្នកផ្តល់បទសម្ភាសន៍មកពីប្រទេសអភិវឌ្ឍន៍ដូចជាអាមេរិក អាល្លឺម៉ង់ បារាំងនិងជប៉ុនជាដើម ហើយក៏បូករួមទាំងអ្នកផ្តល់បទសម្ភាសន៍មកពីប្រទេសកំពុងអភិឌ្ឍន៍ដូចជាម៉ិកស៊ិក ថៃនិងនីហ្សេរីយ៉ាជាដើមផងដែរ ។ ក្នុងការស្ទង់ប្រជាមតិ អ្នកផ្តល់បទសម្ភាសន៍ចំនួន៩១,១ភាគរយវាយតម្លៃខ្ពស់ចំពោះ សមិទ្ធផលជាផ្លែផ្កាដែលគំនិតផ្តួចផ្តើម “ខ្សែក្រវាត់និងផ្លូវ”ទទួលបានក្នុងរយៈពេល១០ឆ្នាំកន្លងទៅនេះ អ្នកផ្តល់បទសម្ភាសន៍ចំនួន៨២,៥ភាគរយសម្គាល់ឃើញថា ទស្សនៈស្តីពី “សហគមន៍រួមវាសនារបស់មនុស្សជាតិ”បានបំពេញបន្ថែមនូវកម្លាំងចលករជាបន្តបន្ទាប់សម្រាប់ការកសាងអនាគតដ៏ល្អបវររបស់មនុស្សជាតិ អ្នកផ្តល់បទសម្ភាសន៍ចំនួន៨៤,៥ភាគរយបានទទួលស្គាល់ទស្សនៈជាស្នូលរបស់គំនិតផ្តួចផ្តើមអភិវឌ្ឍន៍សកល អ្នកផ្តល់បទសម្ភាសន៍ចំនួន៨៥,៦ភាគរយសម្គាល់ឃើញថា សន្តិសុខជាបុរេល័ក្ខខ័ណ្ឌនៃការអភិវឌ្ឍ...
