ព័ត៌មានអន្តរជាតិ
បទវិភាគ៖ការពង្រឹងនិងបង្កើននិន្នាការងើបឡើងវិញនិងមានភាពល្អប្រសើរនៃសេដ្ឋកិច្ចដោយឥតឈប់ឈរដើម្បីទាក់ទាញការវិនិយោគនៅប្រទេសចិន
ក្នុងនាមជាអង្គភាពសេដ្ឋកិច្ចធំទីពីរលើពិភពលោក ទិសដៅនៃគោលនយោបាយសេដ្ឋកិច្ចរបស់ប្រទេសចិនទទួលបានការយកចិត្តទុកដាក់ខ្ពស់ពីសំណាក់ពិភពលោក ។ កិច្ចប្រជុំអំពីការងារសេដ្ឋកិច្ចមជ្ឈិមចិនដែលបើកធ្វើចាប់ពីថ្ងៃទី ១១ ដល់ថ្ងៃទី ១២ ខែធ្នូនេះបានកំណត់ជាក់លាក់ពី ៩ វិស័យថា តើការងារសេដ្ឋកិច្ចនៅឆ្នាំក្រោយត្រូវធ្វើយ៉ាងម៉េច ។ “ប្រកាន់ខ្ជាប់នូវនីតិវិធីការងារទូទៅដែលទទួលបានការវិវឌ្ឍរីកចម្រើនប្រកបដោយស្ថិរភាព”និង”ពង្រឹងនិងបង្កើននិន្នាការងើបឡើងវិញនិងមានភាពល្អប្រសើរនៃសេដ្ឋកិច្ចដោយឥតឈប់ឈរ” ។ល។ កិច្ចប្រជុំនេះបានផ្តល់ការណែនាំដ៏ជាក់លាក់សម្រាប់ការងារសេដ្ឋកិច្ចនៅឆ្នាំក្រោយ ហើយក៏បានធ្វើឱ្យមជ្ឈដ្ឋានខាងក្រៅមើលឃើញនូវកិច្ចខិតខំប្រឹងប្រែងឥតស្រាកស្រាន្តរបស់ប្រទេសចិនក្នុងការជំរុញការងើបឡើងវិញនៃសេដ្ឋកិច្ចពិភពលោកតាមរយៈការអភិវឌ្ឍរបស់ខ្លួនផងដែរ ។ នៅបីត្រីមាសដើមឆ្នាំនេះ សេដ្ឋកិច្ចចិនបានកើនឡើង ៥,២ ភាគរយបើប្រៀបធៀបនឹងរយៈពេលដូចគ្នានៃឆ្នាំមុន ហើយល្បឿនកំណើនគឺស្ថិតនៅលំដាប់ថ្នាក់ឈានមុខក្នុងចំណោមអង្គភាពសេដ្ឋកិច្ចសំខាន់ៗនៅលើពិភពលោក...
