ភ្នំពេញ៖ ឯកអគ្គរដ្ឋអាមេរិក ប្រចាំកម្ពុជា លោក Patrick Murphy បានលើកឡើងនៅក្នុងបណ្តាញសង្គម Twitter របស់លោកថា យើងបានទទួលដំណឹង ដ៏ក្រៀមក្រំនៃការសោយទិវង្គតក្នុងព្រះជន្ម ៧៧ ព្រះវស្សារបស់ព្រះអង្គម្ចាស់ នរោត្តម រណឫទ្ធិ ដែលមុខងារសាធារណៈរបស់ព្រះអង្គរួម មានតួនាទីជានាយករដ្ឋមន្ត្រីទីមួយនៃកម្ពុជា ឆ្នាំ ១៩៩៣-១៩៩៧។
លោកទូត បានសរសេរបន្ថែមថា “ខ្ញុំសូមចូលរួមរំលែកទុក្ខ ចំពោះព្រះរាជវង្សានុវង្ស និងប្រជាជននៃ ព្រះរាជាណាចក្រកម្ពុជា ក្នុងការបាត់បង់នេះ”។
សម្តេចក្រុមព្រះ យាងសោយទិវង្គត នៅថ្ងៃទី២៨ ខែវិច្ឆិកា ឆ្នាំ២០២១ នាប្រទេសបារំាង ក្នុងព្រះជន្មាយុ ៧៧ព្រះវស្សា៕
