ភ្នំពេញ៖ កីឡាករគុនខ្មែរ ឡៅ ចិត្រា នៅរសៀលថ្ងៃទី១០ ខែឧសភា ឆ្នាំ២០២៣នេះ បានដណ្ដើមយកមេដាយមាស ក្នុងវិញ្ញាសារគុណខ្មែរ ក្នុងប្រភេទទម្ងន់ ៦៧គីឡូក្រាម ក្រោយយកឈ្នះកីឡាករវៀតណាម Chau Dat នៅវគ្គផ្ដាច់ព្រ័ត្រ។
សូមរំលឹកថា ស៊ីហ្គេមឆ្នាំ២០២៣ លើវិញ្ញាសាគុនខ្មែរ កីឡាករកម្ពុជា ដណ្ដើមបានមេដាយមាស ចំនួន៥ហើយ គិតត្រឹមរសៀលថ្ងៃទី១០ ខែឧសភា ឆ្នាំ២០២៣នេះ។
ក្នុងនោះរួមមាន៖
១- កីឡាករ ម៉ាប់ ធារ៉ា ទទួលបានមេដាយមាសលើវិញ្ញាសាទំងន់៤៥ គីឡូក្រាម ក្រោយយកឈ្នះកីឡាករវៀតណាម Vo Nhuan Phong នៅវគ្គផ្តាច់ព្រ័ត្រ។
២- កីឡាករ ឡុង ពិសិដ្ឋ ឈ្នះមេដាយមាស លើវិញ្ញាសាទំងន់ ៤៨ គីឡូក្រាម ក្រោយយកឈ្នះកីឡាករវៀតណាម Duong Duc Bao នៅវគ្គផ្តាច់ព្រ័ត្រ។
៣/ កីឡាករខាំ ខ្លានាង បានឈ្នះមេដាយមាស លើវិញ្ញាសាគុនខ្មែរបុរស ក្នុងប្រភេទទម្ងន់ ៥១គីឡូក្រាម បន្ទាប់ពីបានយកឈ្នះកីឡាករវៀតណាម Le Cong Nghi នៅវគ្គផ្តាច់ព្រ័ត្រ។
៤/ កីឡាករ ហ៊ីម គឹមរៀង ដែលឈ្នះមេដាយមាស លើវិញ្ញាសាគុនខ្មែរបុរស ក្នុងប្រភេទទម្ងន់ ៥៤ គីឡូក្រាម ក្រោយយកឈ្នះកីឡាករឡាវ Soukna Keothatalat សន្លប់នៅទឹកទី២ នៅវគ្គផ្តាច់ព្រ័ត្រ។
៥/ កីឡាករ ឡៅ ចិត្រា ដែលឈ្នះមេដាយមាស លើវិញ្ញាសាគុនខ្មែរបុរស ក្នុងប្រភេទទម្ងន់ ៦៧គីឡូក្រាម ក្រោយយកឈ្នះកីឡាករវៀតណាម Chau Dat នៅវគ្គផ្តាច់ព្រ័ត្រ។
