នាយប់ថ្ងៃទី ២៤ ខែវិច្ឆិកា សកម្មភាពអបអរ ការរាប់ថយក្រោយ ១០០ ថ្ងៃ នៃការប្រកួតកីឡាប៉ារ៉ាឡាំពិក រដូវរងាក្រុងប៉េកាំង ឆ្នាំ ២០២២ បានប្រារព្ធធ្វើនៅមជ្ឈមណ្ឌល កីឡាហែលទឹកជាតិ ដែលស្ថិតនៅក្រុងប៉េកាំង ។ លោក Andrew Parsons ប្រធានគណៈកម្មាធិការ កីឡាប៉ារ៉ាឡាំពិក អន្តរជាតិ បានថ្លែងសុន្ទរកថា តាមប្រព័ន្ធវីដេអូថា ក្រុងប៉េកាំងនឹងរៀបចំ ព្រឹត្តិការណ៍ប៉ារ៉ាឡាំពិក ដ៏អស្ចារ្យមួយលើក ។
លោក Andrew Parsons បានថ្លែងថា ខ្ញុំសូមថ្លែងអំណរគុណ ចំពោះមនុស្សគ្រប់រូប ដែលបានចូលរួមការងារ ត្រៀមរៀបចំាករប្រកួត។ យើងរីករាយណាស់ដោយបានមើលឃើញថា ទីតាំងប្រកួតបានត្រៀមរួចហើយ ស្អាតណាស់ ផែនការគ្រប់ផ្នែក ក៏បានត្រៀមលក្ខណៈរួចស្រេច។ គ្មានអ្វីគួរឱ្យសង្ស័យទេ ក្រុងប៉េកាំងនឹងរៀបចំព្រឹត្តិការណ៍ ប៉ារ៉ាឡាំពិក ដ៏អស្ចារ្យមួយលើក ។
លោកបន្តថា គណៈកម្មាធិការប៉ារ៉ាឡាំពិកអន្តរជាតិពោរពេញទៅដោយក្តីសង្ឃឹម ចំពោះការប្រកួតកីឡាប៉ារ៉ាឡាំពិក រដូវរងា ក្រុងប៉េកាំងឆ្នាំ ២០២២។ ប្រទេសចិនមានកម្លាំងជាក់ស្តែង និងខ្លាំងក្លាក្នុងការរៀបចំប្រកីឡា ប៉ារ៉ា ឡាំពិករដូវក្តៅ ជឿជាក់ថាចិន ក៏នឹងអាចរៀបចំការ ប្រកួតកីឡាប៉ារ៉ាឡាំពិករដូវរងា បានយ៉ាងល្អអច្ចារ្យផងដែរ ៕
