ញូវដេលី៖ នាយករដ្ឋមន្ត្រីឥណ្ឌាលោក ណារិនដ្រា មូឌី បានឲ្យដឹងក្នុងពិធីបើកសម័យប្រជុំគណៈកម្មាធិការអូឡាំពិកអន្តរជាតិលើកទី១៤១ នៅទីក្រុងបុមបៃ ដែលថាប្រទេសឥណ្ឌាចាប់អារម្មណ៍ធ្វើជាម្ចាស់ផ្ទះកីឡាអូឡាំពិកនៅឆ្នាំ ២០៣៦។
ឥណ្ឌាមិនធ្លាប់ធ្វើជាម្ចាស់ផ្ទះអូឡាំពិកនោះទេ ហើយសម្រាប់ឆ្នាំ២០៣៦ ប្រទេសជាង ១០ បានបង្ហាញចំណាប់អារម្មណ៍ រួមទាំងម៉ិកស៊ិក និងឥណ្ឌូនេស៊ីផងដែរ ក្នុងការធ្វើជាម្ចាស់ផ្ទះកីឡាអូឡាំពិក។
លោក មូឌី បានលើកឡើងថា “ឥណ្ឌានឹងមិនទុកដុំថ្មចោលក្នុងកិច្ចខិតខំប្រឹងប្រែងរបស់យើងក្នុងការរៀបចំកីឡាអូឡាំពិកនៅឆ្នាំ២០៣៦ នេះគឺជាសុបិនដែលមានអាយុកាល និងជាក្តីប្រាថ្នារបស់ប្រជាជនឥណ្ឌា ១,៤ ពាន់លាននាក់”។
លោកបានបន្ថែមថា ប្រទេសឥណ្ឌាក៏មានឆន្ទៈធ្វើជាម្ចាស់ផ្ទះកីឡាអូឡាំពិកយុវជននៅឆ្នាំ២០២៩។ លោកក៏បានបញ្ជាក់ផងដែរថា “ខ្ញុំមានទំនុកចិត្តយ៉ាងខ្លាំងថា ប្រទេសឥណ្ឌានឹងទទួលបានការគាំទ្រពី IOC ជាប់លាប់”៕
ប្រែសម្រួល ឈូក បូរ៉ា
