ស្វីស លត់ បូស្នី ក្នុងជុំទីពីរ ៤ទល់១ ជួយឱ្យស្វីសខិតជិតទៅវគ្គបន្ទាប់ ខណៈបូស្នីសល់សង្ឃឹមតិចតួច
ការប្រកួតរវាងក្រុមជម្រើសជាតិ ស្វីស និង បូស្នី នៅក្នុងព្រឹត្តិការណ៍ FIFA World Cup 2026 វគ្គចែកពូល B ដោយលទ្ធផលផ្លូវការគឺ ស្វីស យកឈ្នះ បូស្នី ៤ ទល់នឹង ១ នៅកីឡដ្ឋាន SoFi Stadium ក្រុង Los Angeles។
តង់ទីមួយ ក្រុមទាំងពីរបានបញ្ចប់ទៅដោយលទ្ធផលស្មើគ្នា ០-០ បើទោះបីជាស្វីសគ្រប់គ្រងបាល់បានច្រើនជាងក៏ដោយ។ ការប្ដូរចូលរបស់កីឡាករវ័យក្មេង Johan Manzambi នៅតង់ទីពីរបានផ្លាស់ប្ដូរការប្រកួតទាំងស្រុង ដោយរូបគេរកបានគ្រាប់បាល់បើកឆាកនៅនាទីទី ៧៤ និងគ្រាប់ទីបីនៅនាទីទី ៩០។
កាតក្រហម ខ្សែការពារបូស្នី Tarik Muharemovic ត្រូវទទួលបានកាតក្រហមបណ្តេញចេញពីទីលាននៅនាទីទី ៨០ ដែលធ្វើឱ្យទម្រង់ការពាររបស់បូស្នីធ្លាក់ចុះ។
គ្រាប់បាល់ផ្សេងទៀត Rubén Vargas រកបានគ្រាប់ទី២ ឱ្យស្វីសនៅនាទីទី ៨៤, ចំណែកឯ Ermin Mahmic រកបាន ១ គ្រាប់វាយបកឱ្យបូស្នីនៅនាទីទី ៩០+៣ មុនពេលប្រធានក្រុមស្វីស Granit Xhaka ទាត់បាល់ប៉េណាល់ទីបិទគូទនៅនាទីទី ៩០+៦។
ជ័យជម្នះនេះធ្វើឱ្យស្វីសមានឱកាសខ្ពស់ក្នុងការឡើងទៅវគ្គបន្ត ខណៈបូស្នីត្រូវបង្ខំចិត្តឈ្នះកាតានៅប្រកួតចុងក្រោយដើម្បីមានឱកាសអ៊ុត។
