វ៉ាស៊ីនតោន៖ ទូរទស្សន៍ BBC បានផ្សព្វផ្សាយព័ត៌មានឲ្យដឹងនៅថ្ងៃទី៤ ខែធ្នូ ឆ្នាំ២០១៩ថា សភាតំណាងរាស្ត្រ សហរដ្ឋអាមេរិក បានអនុម័តលើសេចក្តីព្រាងច្បាប់មួយ ដើម្បីប្រឆាំងនឹងអ្វីដែលគេហៅថា ជាការឃុំឃាំងមនុស្ស ដោយធ្វើទារុណកម្ម និងការយាយីតាមតែអំពើចិត្តរបស់ជាតិម៉ូស្លីម អូហ្គូ នៅក្នុងទឹកដីនៃប្រទេសចិន ។ សភាបានអំពាវនាវឲ្យមាន “ទណ្ឌកម្មដែលបានកំណត់” លើសមាជិករដ្ឋាភិបាលចិន និងដាក់ឈ្មោះលេខាធិការ បក្សកុម្មុយនិស្តនៅតំបន់ស្វយ័ត ក្នុងខេត្តស៊ីនជាំង...
សិង្ហបុរី៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី៤ ខែធ្នូ ឆ្នាំ២០១៩ថា យន្តហោះរបស់ក្រុមហ៊ុនអាកាសចរណ៍ សិង្ហបុរីអ៊ែរឡាញ ហៅកាត់ (SIA) ១គ្រឿង បាននិងកំពុងធ្វើការជួសជុល បន្ទាប់ពីទទួលរងការខូចខាតដោយសារ“ សង្ស័យថាបង្កឡើងត្រង់ផ្នែកកន្ទុយ” នៅក្នុងប្រទេសមីយ៉ាន់ម៉ាកាលពីថ្ងៃច័ន្ទទី ២៥ ខែវិច្ឆិកា ។ នៅក្នុងអ៊ីមែលផ្ញើរទៅកាន់ ទូរទស្សន៍សិង្ហបុរី...
ភ្នំពេញ៖ កូនបង្កេីតលោក កឹម សុខា និងកូនក្រៅខោទណ្ឌិតមេឧទ្ទាមឈ្លោះគ្នាបែកផ្សែងដូច្នេះ តើកឹម សុខា និងសម រង្ស៊ី ជាមនុស្សតែមួយទៀត? នេះជាការលើកឡើងរបស់លោក សុខ ឥសាន អ្នកនាំពាក្យគណបក្សប្រជាជនកម្ពុជានាព្រឹកថ្ងៃទី៥ ខែធ្នូ ឆ្នាំ២០១៩។ ន័យលោក សុខ ឥសាននិយាយនោះ គឺសំដៅដល់កញ្ញា កឹម មនោវិទ្យា...
ភ្នំពេញ៖ ក្នុងមហាសន្និបាត ប្រចាំឆ្នាំលើកទី៣៩ និងខួបលើកទី៤០ នៃកំណើតសមាគមអន្ដរជាតិ នៃអភិបាលក្រុង ប្រើប្រាស់ភាសាបារាំង ដែលកម្ពុជានធ្វើជាម្ចាស់ផ្ទះ នៅថ្ងៃទី៤ ខែធ្នូ ឆ្នាំ២០១៩នេះ លោក ឃួង ស្រេង អភិបាលរាជធានីភ្នំពេញ បានលើកឡើងថាដោយសារតែនយោបាយឈ្នះឈ្នះ របស់សម្ដេចតេជោ ហ៊ុន សែន ទើបកម្ពុជា បញ្ចប់សង្គ្រាមដ៏រ៉ាំរ៉ៃ បានដោយជោគជ័យ និងមានការអភិវឌ្ឍ ដូចបច្ចុប្បន្ននេះ។ ថ្លែងជាភាសាបារាំង លោក ឃួង ស្រេង បានគូសបញ្ជាក់ទៀតថា ក្នុងទសវត្សន៍ឆ្នាំ៧០ រាជធានីភ្នំពេញ បានរងសង្គ្រាមទម្លាក់គ្រាប់បែក និងធ្លាក់ចូលក្នុង សង្រ្គាមរវាងខ្មែរ និងខ្មែរ។ របបប្រល័យពូជសាសន៍ខ្មែរក្រហម បានអូសបន្លាយជិត៣ឆ្នាំ ពីឆ្នាំ១៩៧៥ដល់ឆ្នាំ១៩៧៩ ហើយធ្វើឲ្យរាជធានីកម្ពុជាមួយនេះ ក្លាយជាទីក្រុងខ្មោច គ្មានមនុស្សរស់នៅ គ្មានការគោរពសិទ្ធិមនុស្ស។ អភិបាលរាជធានីភ្នំពេញ បានបន្ដទៀតថា ក្រោយថ្ងៃរំដោះ ០៧ មករា ឆ្នាំ១៩៧៩ ភ្នំពេញត្រូវបានស្តារបន្តិចម្តងៗ ស្របតាមដំណើរវិវត្តន៍ នៃបរិការណ៍ជាក់ស្តែងនីមួយៗហើយបច្ចុប្បន្ននេះ ក្រោមការដឹកនាំប្រកបដោយគតិបណ្ឌិតរបស់ សម្តេចតេជោ ហ៊ុន សែននាយករដ្ឋមន្ត្រីនៃកម្ពុជា រាជធានីភ្នំពេញ បានស្គាល់សាជាថ្មី នូវការអភិវឌ្ឍ។ លោក ឃួង ស្រេង ថ្លែងយ៉ាងដូច្នេះថា “នយោបាយឈ្នះឈ្នះ របស់សម្តេច បានធ្វើឲ្យសង្គ្រាមស៊ីវិលរ៉ាំរ៉ៃ បានបញ្ចប់ជាស្ថាពរនាំមកនូវ ការបង្រួបបង្រួមជាតិ និងសុខសន្តិភាពពេញលេញជូនកម្ពុជា បង្កើតបានជាមូលដ្ឋានគ្រឹះ សម្រាប់បង្កើតរបបគ្រប់គ្រងដឹកនាំរដ្ឋបាលសាធារណៈ និងអភិវឌ្ឍសេដ្ឋកិច្ចកម្ពុជា នាពេលបច្ចុប្បន្ន។ ជោគជ័យ និងវិបុលភាពជាប់ជាប្រចាំ ក្នុងរយៈពេល០២ទសវត្សរ៍ចុងក្រោយ គឺជាផលដែលបានមកពីការដាក់ចេញនូវនយោបាយវិមជ្ឈការ និងវិសហមជ្ឈការ ដោយផ្សារភ្ជាប់ជាមួយនឹងនយោបាយលើកទឹកចិត្តវិនិយោគផ្ទាល់ពីបរទេស” ។ លោក ឃួង ស្រេង ក៏បានថ្លែងអំណរគុណដល់ សមាគម AIMF ដែលបានផ្តល់កិត្តិយស ដល់រាជធានីភ្នំពេញ ធ្វើជាម្ចាស់ផ្ទះ ដើម្បីប្រារព្ធពិធីនាពេលនេះ។ អង្គសន្និបាតនាពេលនេះ ប្រារព្ធឡើងជាចៃដន្យ ចំពេលផុសឡើងនូវ ឧស្សហកម្មជំនាន់ទី៤ ដែលគេសម្គាល់បាន ដោយសារ លក្ខណៈពិសេស នៃការកកើតឡើងនូវ បញ្ញាសិប្បនិម្មិត និន្នាការសេដ្ឋកិច្ចឌីជីថល ព្រមទាំងនិន្នាការថ្មីនៃការគ្រប់គ្រង ទីក្រុងឆ្លាតវៃ ដោយពិចារណាយ៉ាងមធ្យ័ត ដល់ការប្រែប្រួលអាកាសធាតុ ដូចមានគំនិតផ្តួចផ្តើមថ្មីក្នុងតំបន់អាស៊ានដែលមានឈ្មោះថា «បណ្តាញទីក្រុងវៃឆ្លាត អាស៊ាន» ជាតឹកតាងស្រាប់៕