ភ្នំពេញ ៖ សាកសពឧក្រិដ្ឋជន៣នាក់ ដែលបាញ់សម្លាប់ប្តីប្រពន្ធមួយគូ ដើម្បីជម្រិតប្លន់យកប្រាក់១លានដុល្លារ កាលពីព្រឹកថ្ងៃទី១ ខែមីនា ឆ្នាំ២០២១ ត្រូវបានឪពុក-ម្តាយ និងសាច់ញ្ញាតិមកទទួលស្គាល់ហើយ នៅរសៀលថ្ងៃ២ មីនា ដើម្បីយកធាតុ ទៅធ្វើបុណ្យនៅផ្ទះរៀងខ្លួន លើកលែងតែមេក្លោងឈ្មោះ អ៊ឹម វណ្ណារិទ្ធទេ ដែលមិនទាន់ឃើញសាច់ញ្ញាតិ មកទទួលស្គាល់។
នាម៉ោង១១ព្រឹកថ្ងៃ២មីនានេះ សាកសពឧក្រិដ្ឋជនទាំង៤នាក់ ត្រូវបានតាអាចារ្យភ្លុកប្រចាំនៅវត្តទឹកថ្លា សង្កាត់ទឹកថ្លា ខណ្ឌសែនសុខ យកដាក់ចូលឡ ដើម្បីបូជាម្ដងម្នាក់ៗ ព្រោះមិនអាចទុកបានទៀតទេ ដោយសារសពចាប់ផ្តើមហើម និងមានរុយរោម ៕
