អាប់ឌីស អាបាបា៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី១៤ ខែមីនា ឆ្នាំ២០២១ថា មជ្ឈមណ្ឌលត្រួតពិនិត្យជំងឺ និងបង្ការរោគ ប្រចាំទ្វីបអាហ្វ្រិក ហៅកាត់ថា (Africa CDC) បានឲ្យដឹងថា ករណីនៃជំងឺកូវីដ១៩នៅក្នុងទ្វីបអាហ្វ្រិក បានរាប់ចំនួនដែលកើនឡើង ដល់៤.០១៧.០១៦នាក់ គិតត្រឹមថ្ងៃសៅរ៍ ។
មជ្ឈមណ្ឌល Africa CDC បានឲ្យដឹងថា ទីភ្នាក់ងារថែទាំសុខភាពពិសេស នៃសហភាពអាហ្វ្រិក ហៅថា (AU)បានឲ្យដឹងថា ចំនួនអ្នកស្លាប់ដោយសារជំងឺ ឆ្លងរាតត្បាតនៅថេរ គឺ១០៧.២៧១នាក់ ទន្ទឹមនឹងនេះដែរ អ្នកជំងឺចំនួន៣.៦០១.១៨៦នាក់នៅទូទំាងទ្វីបនេះបានជាសះស្បើយពីជំងឺ ។
ទីភ្នាក់ងារបានកត់សម្គាល់ថា បណ្តាប្រទេសដែលរងនូវផលប៉ះពាល់ខ្លាំងបំផុត គឺមាន អាហ្វ្រិកខាងត្បូង ម៉ារ៉ុក ទុយនេស៊ី អេហ្ស៊ីប និងអេត្យូពី ។
អាហ្វ្រិកខាងត្បូង បានរាយការណ៍ថា មានអ្នកស្លាប់ចំនួន៥១.១៧៩នាក់ដោយសារជំងឺ ដែលជាតួលេខខ្ពស់បំផុត ក្នុងចំណោមបណ្តាប្រទេស នៅទ្វីបអាហ្វ្រិក ៕
ដោយ៖ ម៉ៅ បុប្ផាមករា
