បាតុករនៅមីយ៉ាន់ម៉ា ១២នាក់ស្លាប់ កាលពីថ្ងៃសៅរ៍, មេដឹកនាំក្រុមអ្នកនយោបាយ ស៊ីវិលកំពុងលាក់ខ្លួន ប្តេជ្ញាបន្តធ្វើបដិវត្ត ប្រឆាំងនឹងអាជ្ញាធរ

បរទេស៖ មេដឹកនាំ ក្រុមអ្នកនយោបាយមីយ៉ាន់ម៉ា មួយក្រុម ដែលត្រូវបានបណ្ដេញចេញ ដោយរដ្ឋប្រហារយោធា បានប្តេជ្ញាថា នឹងបន្តធ្វើបដិវត្តប្រឆាំងនឹងអាជ្ញាធរ។

យោងតាមសារព័ត៌មាន BBC ចេញផ្សាយនៅថ្ងៃទី១៤ ខែមីនា ឆ្នាំ២០២១ បានឱ្យដឹងថា នៅក្នុងសុន្ទរកថាសាធារណៈលើកដំបូង លោក Mahn Win Khaing Than បាននិយាយថា “នេះគឺជាពេលវេលាដ៏ខ្មៅបំផុតរបស់ប្រទេសជាតិ និងពេលវេលាដែលជិតភ្លឺ” ។

ពីកន្លែងលាក់ខ្លួន លោកបានដឹកនាំក្រុមអ្នកច្បាប់ដែលបានបដិសេធមិនទទួលយករដ្ឋប្រហារកាលពីខែមុន ក្នុងពេលដែលមានអ្នកតវ៉ាចំនួន ១២ នាក់ត្រូវបានគេរាយការណ៍ថាបានស្លាប់ កាលពីថ្ងៃសៅរ៍។

សូមជម្រាបថា ប្រទេស មីយ៉ាន់ម៉ា (ដែលត្រូវបានគេស្គាល់ថាជាប្រទេសភូមា) បានកើតឡើងការតវ៉ាតាមដងផ្លូវចាប់តាំងពីយោធាបានកាន់កាប់អំណាចនៅថ្ងៃទី ១ ខែកុម្ភៈនិងបានឃុំខ្លួនលោកស្រីអ៊ុងសានស៊ូជី មេដឹកនាំគណបក្សសម្ព័ន្ធជាតិដើម្បីប្រជាធិបតេយ្យ (NLD) ៕

ប្រែសម្រួលៈ ណៃ តុលា