សេអ៊ូល៖ ប្រទេសជាច្រើននៅប្លុកអឺរ៉ុប ហើយក៏មានដូចជាកូរ៉េខាងត្បូង ថៃ ជាដើម បានគ្រោងនឹងបន្ដដំណើរការ ចាក់វ៉ាក់សាំងបង្កជំងឺកូវីដ-១៩ AstraZeneca ក្រោយពីអង្គការសុខភាពពិភពលោក និងគណៈកម្មាធិការសហភាពអឺរ៉ុប មិនបានរកឃើញ នូវផលប៉ះពាល់អវិជ្ជមានណាមួយ ដូចនៅក្នុងរបាយការណ៍ ដែលថាមានបញ្ហា កកឈាមក្នុងខ្លួនអ្នកទទួលវ៉ាក់សាំង ក្រោយចាក់ដូសទី២។
អាជ្ញាធរសុខាភិបាលកូរ៉េខាងត្បូង បានឲ្យដឹងនៅថ្ងៃពុធនេះថា ការដាក់ចេញនូវវ៉ាក់សាំង AstraZeneca នឹងនៅតែបន្ត ទោះបីជាមានការសម្រេចចិត្ត របស់បណ្តាប្រទេសអ៊ឺរ៉ុប សំខាន់ៗ ក្នុងការផ្អាកការចាក់វ៉ាក់សាំង ដើម្បីស៊ើបអង្កេតផលប៉ះពាល់ ដែលបានរាយការណ៍ក៏ដោយ។
ទីភ្នាក់ងារត្រួតពិនិត្យជំងឺ និងការពារជំងឺកូរ៉េ (KDCA) បានឲ្យដឹង នៅក្នុងសេចក្តីប្រកាសព័ត៌មានថា មិនមានភស្តុតាងណាមួយ ដែលបង្ហាញពីការទាក់ទងគ្នារវាងវ៉ាក់សាំង ដែលផលិត ដោយក្រុមហ៊ុនផលិតឱសថអង់គ្លេស – ស៊ុយអែត ឈ្មោះថា AstraZeneca និងសាកលវិទ្យាល័យ Oxford និងរបាយការណ៍នៃការកកឈាម ក្នុងអ្នកទទួលមួយចំនួននោះទេ។
ប្រទេសអឺរ៉ុបសរុបចំនួន ២០ រួមទាំងប្រទេសអាល្លឺម៉ង់ បារាំង និងអ៊ីតាលី បានផ្អាកការប្រើប្រាស់វ៉ាក់សាំង របស់ក្រុមហ៊ុន AstraZeneca ដោយរង់ចាំលទ្ធផល នៃការស៊ើបអង្កេតលើបញ្ហាកកឈាម ចំពោះមនុស្សដែល បានទទួលវាក្នុងដូសទី២។
ទោះយ៉ាងណានិយ័តករអន្តរជាតិ បានឲ្យដឹងថា មិនមានភស្ដុតាង ដែលបង្ហាញថា ការចាក់ថ្នាំបង្ការរោគនេះ ទាក់ទងនឹងការកកឈាមនោះទេ។ អង្គការសុខភាពពិភពលោក បានឲ្យដឹងផងដែរថា ហានិភ័យនៃការចូលមន្ទីរពេទ្យ និងការស្លាប់មានច្រើនជាងហានិភ័យ នៃផលប៉ះពាល់ ដែលអាចកើតមាន។
ភ្នាក់ងារឃ្លាំមើលឱសថអឺរ៉ុប ដែលជាភ្នាក់ងារឱសថអឺរ៉ុប (EMA) ក៏គ្រោងនឹងបើកកិច្ចប្រជុំមួយ នៅថ្ងៃព្រហស្បតិ៍ស្អែកនេះ ដើម្បីពិនិត្យមើលបញ្ហា និងប្រកាសលទ្ធផល ពាក់ព័ន្ធនឹងវ៉ាក់សាំងខាងលើនេះ។
មនុស្សម្នាក់ ដែលបានស្លាប់ក្នុងរយៈពេលប៉ុន្មានថ្ងៃ បន្ទាប់ពីទទួលបានវ៉ាក់សាំង AstraZeneca ត្រូវបានបញ្ជាក់ថា មានការកកឈាម។ ប្រទេសនេះបានរាយការណ៍ថា មានអ្នកស្លាប់ចំនួន ១៦ នាក់ បន្ទាប់ពីរដ្ឋបាលនៃផលិតផល AstraZeneca ដោយអាជ្ញាធរសន្និដ្ឋាន ជាបណ្តោះអាសន្នថា មិនមានទំនាក់ទំនងមូលហេតុ ជាមួយនឹងវ៉ាក់សាំងនេះឡើយ៕ ដោយ៖ ឈូក បូរ៉ា
