បរទេស៖ កាលពីថ្ងៃច័ន្ទប្រធានរដ្ឋសភានៃប្រជាជាតិទី ១ Perry Bellegarde បានទទូចដល់អាជ្ញាធរឱ្យបើកការស៊ើបអង្កេត លើអតីតទីតាំងលំនៅដ្ឋាន នៅក្នុងសាលារៀនទាំងអស់ ដោយកត់សំគាល់ថា អ្នករស់រានមានជីវិតក្នុងស្រុក បានព្យាយាមយកចិត្តទុកដាក់លើ បញ្ហានេះជាយូរមកហើយ ប៉ុន្តែគ្មាននរណាម្នាក់ជឿពួកគេឡើយ។
យោងតាមសារព័ត៌មាន Sputnik ចេញផ្សាយនៅថ្ងៃទី០១ ខែមិថុនា ឆ្នាំ២០២១ បានឱ្យដឹងថា មេដឹកនាំគណបក្សថ្មី លោក Jagmeet Singh បានលើកឡើងថា “វាជាអំពើប្រល័យពូជសាសន៍ហើយវាកំពុងបន្ត។ សម្រាប់កុមារ ២១៥ នាក់ដែលបានបាត់ខ្លួន, អ្នករស់រានមានជីវិតពីលំនៅដ្ឋាន នៅក្នុងសាលារៀន និងអនាគតកុមារជនជាតិដើម, នាយករដ្ឋមន្ត្រី Trudeau ត្រូវតែធ្វើតាមពាក្យសន្យា។ គាត់ត្រូវតែបញ្ចប់រាល់សកម្មភាព ផ្លូវច្បាប់ប្រឆាំងនឹងកុមារជនជាតិដើម និងអ្នករស់រានមានជីវិតដែល កំពុងតស៊ូដើម្បីសិទ្ធិរបស់ពួកគេ។
ក្នុងអំឡុងពេលសុន្ទរកថា របស់លោកកាលពីថ្ងៃច័ន្ទ ទៅកាន់សមាជិកនៃសហគមន៍ Tk’emlups te Secwepemc ដែលជាកន្លែងសាលារៀននោះ លោក Singh បានអំពាវនាវឱ្យរដ្ឋាភិបាលបង្កើន កិច្ចខិតខំប្រឹងប្រែងនិងស៊ើបអង្កេត ករណីនេះឱ្យបានហ្មត់ចត់ ដោយកត់សម្គាល់ថា ប្រសិនបើរឿងនេះបានកើតឡើងនៅកន្លែង ផ្សេងទៀតនៅលើពិភពលោក, ប្រទេស កាកាណាដានឹងទាមទារឱ្យ មានការស៊ើបអង្កេតអន្តរជាតិ។ នេះបើតាមការផ្សាយរបស់ទូរទស្សន៍ CNN ៕
ប្រែសម្រួលៈ ណៃ តុលា
