សេអ៊ូល ៖ ទីភ្នាក់ងារសារព័ត៌មាន កណ្តាលផ្លូវការ របស់កូរ៉េ បានរាយការណ៍នៅថ្ងៃសុក្រនេះថា កូរ៉េខាងជើង បានបាញ់សាកល្បងមីស៊ីលប្រឆាំង យន្តហោះ ដែលទើបនឹងអភិវឌ្ឍថ្មី នេះបើយោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ ។
របាយការណ៍នេះបានឲ្យដឹងថា មីស៊ីលនេះត្រូវបានបង្កើតឡើង ដោយបណ្ឌិត្យសភាវិទ្យាសាស្ត្រ ការពារជាតិ ហើយការសាកល្បងនេះ មានគោល បំណងបញ្ជាក់ ពីភាពជាក់ស្តែង នៃប្រតិបត្តិការរបស់រ៉ុកកែត រ៉ាដា និងរថយន្តបញ្ជាការ ប្រយុទ្ធគ្រប់ជ្រុងជ្រោយ ព្រមទាំង សមត្ថភាពប្រយុទ្ធ ដ៏ទូលំទូលាយ របស់មីស៊ីល។
យោងតាមរបាយការណ៍ការធ្វើតេស្តជាទូទៅ មានសារៈសំខាន់ជាក់ស្តែងក្នុងការសិក្សា និងការអភិវឌ្ឍន៍ ប្រព័ន្ធមីស៊ីលប្រឆាំង យន្តហោះអនាគតជាច្រើន និងការសម្តែង ប្រយុទ្ធដ៏គួរ ឱ្យកត់សម្គាល់ របស់មីស៊ីល ជាមួយនឹងលក្ខណៈពិសេស នៃការឆ្លើយតបរហ័ស និងភាពត្រឹមត្រូវ នៃការណែនាំអំពី ប្រព័ន្ធត្រួតពិនិត្យមីស៊ីលព្រមទាំង ការបង្កើនចំងាយ នៃគោលដៅចុះចតអាកាស ត្រូវបានផ្ទៀងផ្ទាត់ ជាមួយនឹងការបង្ហាញពីបច្ចេកវិជ្ជាថ្មីៗ ដូចជាបច្ចេកវិជ្ជាត្រួតពិនិត្យរ៉ឺម៉កភ្លោះ និងម៉ាស៊ីនហោះហើរទ្វេ។
សមាជិកគណៈប្រធានការិយាល័យនយោបាយ និងជាលេខា នៃគណៈកម្មាធិការកណ្តាល នៃគណបក្សពលករកូរ៉េ បានចូលរួមមើលការបាញ់ សាកល្បងជាមួយមន្រ្តីនាំមុខគេ ក្នុងវិស័យស្រាវជ្រាវវិទ្យាសាស្ត្រការពារជាតិដោយផ្ទាល់។
គួរបញ្ជាក់ថា កូរ៉េខាងជើង បានបាញ់សាកល្បងមីស៊ីលជាច្រើនគ្រាប់កាលពីខែកញ្ញា រួមទាំងមីស៊ីល ផ្លោង និងគ្រាប់ផ្លោងចំពេលកំពុង មានការជាប់គាំងកិច្ចចរចា ស្តីពីការរំសាយអាវុធ នុយក្លេអ៊ែរ ជាមួយសហរដ្ឋអាមេរិក៕
ដោយ ឈូក បូរ៉ា
