ភ្នំពេញ ៖ ក្រសួងបរិស្ថាន បានឲ្យដឹងថា សត្វចកវ៉កកម្ពុជា ជាប្រភេទសត្វស្លាប ដែលមានវត្តមាន តែនៅតំបន់ជួរភ្នំក្រវាញ នៃប្រទេសកម្ពុជា ប៉ុណ្ណោះ (Endemic)។
![](https://dap-news.com/wp-content/uploads/2021/10/59-1024x768.jpg)
តាមរយៈគេហទំព័រហ្វេសប៊ុក នាថ្ងៃទី១០ ខែតុលា ឆ្នាំ២០២១ ក្រសួងបរិស្ថាន បានបញ្ជាក់ថា សត្វស្លាបប្រភេទនេះ ត្រូវបានរកឃើញដំបូងនៅឆ្នាំ១៩២៩ (Riley, 1930) ហើយបញ្ជាក់ពីវត្តមានវា នៅកម្ពុជាឡើងវិញ នៅក្នុងឆ្នាំ២០០០ (Steinheimer et al., 2000)។
ក្រសួង បានបន្ដថា ទោះជាយ៉ាងនេះក្តី នៅប្រទេសកម្ពុជា សំណាកស្បែកស្ងួត សម្រាប់គោលបំណងវិទ្យាសាស្ត្រដំបូង ត្រូវបានប្រមូលពីដែនជម្រកសត្វព្រៃភ្នំឱរ៉ាល់ នៅឆ្នាំ២០១០ (Chhin, 2010) និងកំពុងទុកនៅ សាកលវិទ្យាល័យភូមិន្ទភ្នំពេញ។
![](https://dap-news.com/wp-content/uploads/2021/10/57-1024x954.jpg)
ក្រសួង បានបន្ថែមថា ជាទូទៅ សត្វស្លាបប្រភេទនេះ មានវត្តមាននៅតំបន់ភ្នំ រយៈកម្ពស់ខ្ពស់ (ចាប់ពី៧០០ម៉ែត្រឡើងទៅ) នៃតំបន់ជួរភ្នំក្រវាញ មានដូចជា ដែនជម្រកសត្វព្រៃភ្នំឱរ៉ាល់ ដែនជម្រកសត្វព្រៃភ្នំសំកុស និងឧទ្យានជាតិ ជួរភ្នំក្រវាញកណ្តាល៕
![](https://dap-news.com/wp-content/uploads/2021/10/58-768x1024.jpg)
![](https://dap-news.com/wp-content/uploads/2020/08/1-1.png)