បរទេស៖ សមាជិកសភារុស្ស៊ី បានអនុម័តច្បាប់ដ៏ទូលំទូលាយ កាលពីថ្ងៃអង្គារ ដោយដាក់ពន្ធនាគាររហូតដល់ ១៥ ឆ្នាំសម្រាប់សកម្មភាព ក្នុងសម័យសង្រ្គាម រួមទាំងការចុះចាញ់ ខណៈដែលកងកម្លាំង របស់ប្រទេសនេះប្រឈមមុខ នឹងការបរាជ័យក្នុងសមរភូមិដ៏ធំជិត ៧ខែ បន្ទាប់ពីការលុកលុយអ៊ុយក្រែន។
យោងតាមសារព័ត៌មាន The Moscow Times ចេញផ្សាយនៅថ្ងៃទី២០ ខែកញ្ញា ឆ្នាំ២០២២ បានឱ្យដឹងថា ការចុះចាញ់ដោយស្ម័គ្រចិត្ត និងការលួចប្លន់ ត្រូវផ្តន្ទាទោសដាក់ពន្ធនាគាររយៈពេល ១០ ឆ្នាំ និង ១៥ ឆ្នាំ រៀងគ្នាជាមួយនឹង “ការប្រមូលកម្លាំង ច្បាប់អាជ្ញាសឹក និងសម័យសង្គ្រាម” ដែលត្រូវបានរាយបញ្ជីថា មានស្ថានទម្ងន់ទោស។
ការ រត់ចោល ជួរ ក្នុង កំឡុង ការ ចល័ត ទ័ព ឬ ក្នុង សម័យ សង្គ្រាម នឹង ត្រូវ ទទួល ទោស រហូត ដល់ ១០ ឆ្នាំ នេះ បើ យោង តាម ច្បាប់ ដែល បាន សរសេរ ដោយ សមាជិក នៃ គ្រប់ ភាគី ដែល តំណាង ក្នុង សភា។
ដែលជំទាស់មិនព្រមចូលបម្រើ កងទ័ពដោយគិតថា វាជាការខុសឆ្គងនឹងសីលធម៌ ត្រូវ ផ្តន្ទាទោស ដាក់ ពន្ធនាគារ រហូត ដល់ ៣ឆ្នាំ ក្នុង សម័យ សង្គ្រាម។
សេចក្តីព្រាងច្បាប់នេះ ណែនាំគោលគំនិតនៃ “ការចល័តទ័ព ច្បាប់អាជ្ញាសឹក និងសម័យសង្រ្គាម” ដែលពីមុនមិនបានលើកឡើង នៅក្នុងក្រមព្រហ្មទណ្ឌរុស្ស៊ីនោះទេ នេះបើយោងតាមមេធាវីសិទ្ធិមនុស្ស Pavel Chikov ដែលបានរាយការណ៍ជា លើកដំបូងលើសេចក្តីព្រាងច្បាប់របស់សភា Duma រុស្ស៊ី ។
ក្រុមអ្នកសង្កេតការណ៍ប៉ាន់ស្មានថា ផ្លូវរបស់វាបើកផ្លូវ សម្រាប់ការចល័តទូទៅ ចំពេលមានការតស៊ូរបស់រុស្ស៊ី ក្នុងការបំពេញបន្ថែមកងទ័ព ដែលបាត់បង់របស់ខ្លួន នៅក្នុងអ៊ុយក្រែន ។
មេធាវីយោធា Maxim Grebenyuk បានប្រាប់គេហទំព័រព័ត៌មានឯករាជ្យ Vyorstka ដោយចង្អុលទៅភាសា នៅក្នុងច្បាប់ដែលដាក់ទណ្ឌកម្ម ទាហានក្នុងអំឡុងពេល “ជម្លោះប្រដាប់អាវុធ” ៕
ប្រែសម្រួលៈ ណៃ តុលា
