ភ្នំពេញ ៖ បើតាមការអះអាង របស់នាយកដ្ឋាន ប្រយុទ្ធប្រឆាំង នឹងជំងឺឆ្លង CDC រហូតដល់ម៉ោង១២ថ្ងៃត្រង់ទី២៨ ខែមករា ឆ្នាំ២០២០នេះ ស្ថានភាពអ្នកជំងឺរលាកសួត បង្កឡើងដោយមេរោគកូរ៉ាវីរុស ប្រភេទថ្មី របស់បុរសជនជាតិ អាយុជាង៦០ឆ្នាំរកឃើញ កាលពីថ្ងៃ២៧ មករា នៅព្រះសីហនុ គឺសុខភាពល្អ គ្មានរោគសញ្ញាធ្ងន់ធ្ងរទេ ។
ក្នុងនោះ បានរកឃើញអ្នកប៉ះពាល់ និងជិះយន្តហោះជាមួយអ្នកជំងឺ ដោយរហូតពេលនេះពុំមានអ្នកចេញរោគសញ្ញាអ្វីនៅឡើយ ។
មន្រ្តីជំនាញនឹងបន្តតាមដាន សុខភាពអ្នកប៉ះពាល់ ជាមួយអ្នកជំងឺទាំងអស់ជារៀងរាល់ថ្ងៃ ។ ជាមួយគ្នានេះ ក្រុមគ្រូពេទ្យថែទាំអ្នកជំងឺ ក៏គ្មានចេញរោគសញ្ញាអ្វីទេ ហើយគ្រប់គ្រូពេទ្យបំរើការ នៅមន្ទីរពេទ្យក្រុងព្រះសីហនុ កំពុងដំណើរការងារក្នុងមន្ទីរ ពេទ្យជាធម្មតា ។
នាយកដ្ឋានប្រយុទ្ធប្រឆាំង នឹងជំងឺឆ្លង បញ្ជាក់ថា រហូតពេលនេះពុំទាន់រកឃើញករណី ជំងឺកូរ៉ូណាវីរុសថ្មីទៀតទេ ៕
