តូក្យូ៖ ប្រទេសជប៉ុន កំពុងពិចារណាលើការពិពណ៌នាអំពីចលនាយោធារបស់ចិនថាជា “ការប្រឈម” ចំពោះសណ្តាប់ធ្នាប់អន្តរជាតិ ក៏ដូចជាប្រទេសជប៉ុន និងបណ្តាប្រទេសដែលមានគំនិតដូចគ្នានៅក្នុងយុទ្ធសាស្រ្តសន្តិសុខជាតិរបស់ខ្លួនដែលនឹងត្រូវកែសម្រួលរួមជាមួយនឹងឯកសារពាក់ព័ន្ធសន្តិសុខចំនួនពីរផ្សេងទៀតនៅសប្តាហ៍ក្រោយ។
សេចក្តីយោងដែលបានគ្រោងទុកអាចបង្ករឿងដល់ទីក្រុងប៉េកាំង ប៉ុន្តែពាក្យនេះ គឺទន់ជាង “ការគំរាមកំហែង” ដែលជាពាក្យដែលសមាជិកសភាគណបក្សប្រជាធិបតេយ្យសេរីមួយចំនួនបានតស៊ូមតិក្នុងការបង្ហាញពីការយល់ឃើញរបស់ពួកគេចំពោះអំណាចដែលកំពុងលេចចេញរបស់ចិន។
ទោះបីជាយ៉ាងណាក៏ដោយ យុទ្ធសាស្ត្រការពារជាតិ ដែលជាឯកសារក្រោមការដឹកនាំរបស់ NSS អាចសំដៅលើការបាញ់មីស៊ីលផ្លោងរបស់ចិន ចូលទៅក្នុងតំបន់សេដ្ឋកិច្ចផ្តាច់មុខរបស់ប្រទេសជប៉ុនក្នុងខែសីហា ថាជា “ការគំរាមកំហែង” នៅក្នុងការពិចារណាជាក់ស្តែងនៃសន្តិសុខនៅក្នុង LDP។
ផែនការជាក់ស្តែងឆ្លុះបញ្ចាំងពីចេតនារបស់រដ្ឋាភិបាលក្នុងការរក្សាសន្ទុះនៃកិច្ចសន្ទនាជាមួយប្រទេសចិន បន្ទាប់ពីប្រទេសទាំងពីរបានបើកកិច្ចប្រជុំកំពូលលើកដំបូងក្នុងរយៈពេលជិត ៣ឆ្នាំកាលពីខែមុន។
ចំពោះរបៀបកំណត់លក្ខណៈរបស់ប្រទេសចិន ដែលបាននិងកំពុងបង្កើនសកម្មភាពយោធានៅក្នុងតំបន់ឥណ្ឌូប៉ាស៊ីហ្វិក LDP បានស្នើកាលពីខែមេសាថា រដ្ឋាភិបាលរបស់នាយករដ្ឋមន្ត្រីលោក ហ្វូមីអូ គីស៊ីដា គួរតែសំដៅទៅលើវាថាជា “ការគំរាមកំហែង” នៅក្នុង NSS៕ប្រែសម្រួល ឈូក បូរ៉ា
