បរទេស៖ ក្រសួងមហាផ្ទៃប្រទេសប៉ូឡូញបានរាយការណ៍កាលពីថ្ងៃព្រហស្បតិ៍ថា ការផ្ទុះមួយបានធ្វើឱ្យកក្រើកទីស្នាក់ការប៉ូលិសប៉ូឡូញក្នុងទីក្រុងវ៉ារស្សាវ៉ា។ ការបំផ្ទុះនេះបានកើតឡើងនៅក្នុងបន្ទប់មួយនៅជាប់នឹងខុទ្ទកាល័យរបស់អគ្គស្នងការនគរបាលជាតិ លោកឧត្តមសេនីយ៍ Jaroslaw Szymczyk និងបានបណ្តាលឱ្យមន្ត្រីបានរងរបួសស្រាល។
យោងតាមសារព័ត៌មាន RT ចេញផ្សាយនៅថ្ងៃទី១៥ ខែធ្នូ ឆ្នាំ២០២២ បានឱ្យដឹងថា ឧប្បត្តិហេតុនេះបានកើតឡើងនៅឯទីស្នាក់ការកណ្តាលប៉ូលីស កាលពីថ្ងៃពុធដោយមេបញ្ជាការបានសម្រាកនៅមន្ទីរពេទ្យ “សម្រាប់ការសង្កេត” ។ បុគ្គលិកជនស៊ីវិលម្នាក់នៅទីស្នាក់ការកណ្តាលក៏បានរងរបួសស្រាលនៅក្នុងការបំផ្ទុះដែរ ប៉ុន្តែមិនតម្រូវឱ្យចូលមន្ទីរពេទ្យទេ។ ក្រសួងមហាផ្ទៃបានសង្កត់ធ្ងន់ថា គ្រឿងផ្ទុះជាអំណោយលោក Szymczyk ទទួលបានក្នុងអំឡុងពេលបំពេញទស្សនកិច្ចនៅអ៊ុយក្រែនកាលពីពេលថ្មីៗនេះ។
ក្រសួងបាននិយាយដោយមិនបានបញ្ជាក់លម្អិតអំពីលក្ខណៈនៃកញ្ចប់ ឬដាក់ឈ្មោះមន្ត្រីអ៊ុយក្រែនដែលបានផ្តល់ឱ្យវាទៅ លោក Szymczyk ថា “វត្ថុនេះគឺជាអំណោយពីប្រធានមួយនៃសេវាកម្មអ៊ុយក្រែន” ។
ចំណែកសារព័ត៌មានមួយចំនួនបានផ្សាយថា អំណោយរបស់អ៊ុយក្រែន គឺពិតជា “ឧបករណ៍បាញ់គ្រាប់បែកដៃ” ដែលត្រូវបានរំសាយចេញដោយចៃដន្យនៅខាងក្នុង HQ៕ប្រែសម្រួលៈ ណៃ តុលា
