ការ៉ាកាស៖ រដ្ឋមន្រ្តីការបរទេសវេណេស៊ុយអេឡា លោក Yvan Gil បានឲ្យដឹងថា សហរដ្ឋអាមេរិក បានបំភ្លៃបញ្ហាសិទ្ធិមនុស្សនៅវ៉េណេស៊ុយអេឡា សម្រាប់ការបញ្ចប់នយោបាយរបស់ខ្លួន នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ។
លោក Gil បានសរសេរនៅលើបណ្ដាញ Twitter ឲ្យដឹងថា “តាមរយៈការនិទានរឿងបំភ្លៃ សហរដ្ឋអាមេរិក មានគោលបំណងធ្វើឱ្យការ ប្រើប្រាស់នយោបាយ នៃសិទ្ធិមនុស្ស ដើម្បីដោះសារអំពើហឹង្សានយោបាយ ដែលខ្លួនបានលើកទឹកចិត្តប្រឆាំង នឹងវេណេស៊ុយអេឡា ក្នុងប៉ុន្មានឆ្នាំថ្មីៗនេះ” ។
លោកបានបន្ថែមថា “ប្រជាជនវេណេស៊ុយអេឡា បានយកឈ្នះលើអំពើហិង្សា ហើយនឹងបន្តកម្ចាត់រាល់ការវាយប្រហារទាំងអស់”។ សេចក្តីថ្លែងការណ៍របស់លោក Gil គឺឆ្លើយតបទៅនឹងការចោទប្រកាន់ របស់ក្រសួងការបរទេសសហរដ្ឋអាមេរិកដែលថា វេណេស៊ុយអេឡា បានរំលោភសិទ្ធិមនុស្សរបស់ស្ត្រី ដែលត្រូវបានជាប់ពន្ធនាគារ។
នៅថ្ងៃទី១៦ ខែមករា លោក Gil ក៏បានឆ្លើយតបទៅនឹងសេចក្តីថ្លែងការណ៍ របស់ក្រសួងការបរទេសសហរដ្ឋអាមេរិកថា ខ្លួននឹងបន្តដាក់ទណ្ឌកម្ម ឬវិធានការបង្ខិតបង្ខំឯកតោភាគី ប្រឆាំងនឹងប្រទេសនៅអាមេរិកខាងត្បូង។
រដ្ឋមន្ត្រីការបរទេសវេណេស៊ុយអេឡា បានពណ៌នាទណ្ឌកម្មនេះថា ជាឧក្រិដ្ឋកម្មប្រឆាំងនឹងមនុស្សជាតិ ដែលធ្វើឲ្យសហរដ្ឋអាមេរិក បំពានច្បាប់អន្តរជាតិ៕ ប្រែសម្រួល ឈូក បូរ៉ា
