ការ៉ាកាស៖ ប្រធានាធិបតី វេណេស៊ុយអេឡាលោក នីកូឡា ម៉ាឌូរ៉ូ បានជំរុញយុវជន របស់ប្រទេសនេះឱ្យរួមគ្នា ប្រយុទ្ធនិងកម្ចាត់ “បញ្ហាប្រឈម នៃការបិទផ្លូវ ការដាក់ទណ្ឌកម្ម និងការវាយប្រហារ” របស់សហរដ្ឋអាមេរិក ។
ថ្លែងទៅកាន់មនុស្សរាប់ពាន់នាក់ ក្នុងពិធីប្រារព្ធទិវាយុវជនជាតិ លោក ម៉ាឌូរ៉ូ បានអំពាវនាវ ដល់យុវជនជំនាន់ក្រោយឱ្យ “រំដោះមាតុភូមិ” និង “តស៊ូ ដើម្បីកុំឱ្យវេណេស៊ុយអេឡា ក្លាយជាអាណានិគមម្តងទៀត” ។
លោក ម៉ាឌូរ៉ូ បានលើកឡើងថា ក្រោមការដឹកនាំរបស់មេដឹកនាំ កំណែទម្រង់ចុងក្រោយលោក Hugo Chavez ឱកាសកាន់តែច្រើន ត្រូវបានបង្កើតឡើង សម្រាប់យុវជនក្នុងវិស័យវប្បធម៌ កីឡា និងការអប់រំ ប៉ុន្តែនៅមានច្រើនទៀត ដែលត្រូវធ្វើ ។
ដល់ទីបញ្ចប់ លោកបានបន្ដថា មហាសន្និបាតយុវជនថ្នាក់ជាតិ នឹងធ្វើឡើងនៅថ្ងៃទី១១-១២ ខែមីនា ដើម្បីចាប់ផ្តើមបេសកកម្មយុវជន ដ៏អស្ចារ្យរបស់វេណេស៊ុយអេឡា ដើម្បីផ្សព្វផ្សាយកម្មវិធីសង្គមផ្សេងៗគ្នា សម្រាប់យុវជន។
យុវជនវ៉េណេស៊ុយអេឡា បានដើរដង្ហែ កាលពីថ្ងៃអាទិត្យដើម្បីគាំទ្រ បដិវត្តន៍បូលីវ៉ារៀ និងកំណែទម្រង់ ដែលខ្លួនបានសម្រេចជាផ្នែកមួយនៃការប្រារព្ធពិធីនៅថ្ងៃនោះ នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិន ស៊ិនហួ។
លោក Rodbexa Poleo មេដឹកនាំយុវជននៃគណបក្ស United Socialist ដែលកំពុងកាន់អំណាចរបស់ប្រទេស វេណេស៊ុយអេឡា បានលើកឡើងថា យុវជនវេណេស៊ុយអេឡា សព្វថ្ងៃនេះ “គឺជាជំនាន់ដែលទោះបីជាមានការលំបាកក៏ដោយ ការរារាំងឯកតោភាគីដោយសហរដ្ឋអាមេរិក មិនដែលបាត់បង់ឡើយ៕
