ប៉េកាំង៖ ក្រសួងការបរទេសចិន បានឲ្យដឹងថា ការពិតបានបង្ហាញឱ្យឃើញម្តងហើយម្តងទៀតថា ល្ខោនដើម្បីលទ្ធិប្រជាធិបតេយ្យ ដែលរៀបចំដោយសហរដ្ឋអាមេរិក គឺមិនដែលមានផលប្រយោជន៍នោះទេ ប៉ុន្តែជាបំរាមសម្រាប់ពិភពលោក។
អ្នកនាំពាក្យក្រសួងការបរទេសចិនលោក Wang Wenbin បានធ្វើការកត់សម្គាល់នៅក្នុងសន្និសីទសារព័ត៌មានជាទៀងទាត់មួយ នៅពេលឆ្លើយសំណួរទាក់ទងនឹងរបាយការណ៍អំពី “កិច្ចប្រជុំកំពូល ដើម្បីប្រជាធិបតេយ្យ” លើកទីពីរ ដែលនឹងមកដល់នៅចុងខែនេះ។
លោក Wang បានលើកឡើងថា “អ្វីដែលគេហៅថា “កិច្ចប្រជុំកំពូល ដើម្បីប្រជាធិបតេយ្យ” គឺប្រឆាំងនឹងលទ្ធិប្រជាធិបតេយ្យ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកបានលើកឡើងថាអ្វីដែលហៅថា “កិច្ចប្រជុំកំពូលដើម្បីលទ្ធិប្រជាធិបតេយ្យ” បានទាញបន្ទាត់មនោគមវិជ្ជា រវាងប្រទេសនានា និងបង្កើតការបែកបាក់គ្នាក្នុងពិភពលោក។ វាគឺជាការបង្ហាញពីបុព្វហេតុ ដែលរំលោភលើស្មារតីលទ្ធិប្រជាធិបតេយ្យ និងបានលាតត្រដាងនូវអនុត្តរភាព របស់សហរដ្ឋអាមេរិក ក្នុងការបង្ហាញលទ្ធិប្រជាធិបតេយ្យ ដែលត្រូវបានប្រទេសជាច្រើនរិះគន់ និងប្រឆាំង។
យោងតាមការស្ទង់មតិរបស់មជ្ឈមណ្ឌលស្រាវជ្រាវ Pew មានតែជនជាតិអាមេរិកប្រហែល ១ភាគ៥ ប៉ុណ្ណោះដែលនិយាយថាពួកគេជឿជាក់លើរដ្ឋាភិបាលរបស់ពួកគេ ដែលជាកម្រិតទាបបំផុតមួយក្នុងប្រវត្តិសាស្ត្រ។ ៦ ភាគ៥ និយាយថា បេក្ខជននយោបាយភាគច្រើន ឈរឈ្មោះសម្រាប់តំណែង ដើម្បីបម្រើផលប្រយោជន៍ផ្ទាល់ខ្លួន។
យោងតាមរបាយការណ៍ដែលចេញផ្សាយដោយ Dalia Research និងសម្ព័ន្ធប្រជាធិបតេយ្យដែលមានមូលដ្ឋាននៅប្រទេសអាល្លឺម៉ង់ តិចជាង ៥០ ភាគរយនៃប្រជាជនអាមេរិក ដែលបានស្ទង់មតិគិតថា ប្រទេសរបស់ពួកគេមានប្រជាធិបតេយ្យ ហើយ ៤៣ភាគរយនៃអ្នកឆ្លើយតបទូទាំងពិភពលោកគិតថា លទ្ធិប្រជាធិបតេយ្យនៅក្នុងប្រទេសរបស់ពួកគេត្រូវបានគំរាមកំហែងដោយសហរដ្ឋអាមេរិក។
អ្នកនាំពាក្យរូបនេះបានបន្ដថា “ប្រសិនបើលទ្ធិប្រជាធិបតេយ្យរបស់សហរដ្ឋអាមេរិក បរាជ័យក្នុងការទទួលបានទំនុកចិត្ត ពីប្រជាជនរបស់ខ្លួន តើសហរដ្ឋអាមេរិកអាចគិតថាខ្លួន មានសិទ្ធិក្នុងការបង្រៀនប្រទេសផ្សេងទៀត អំពីលទ្ធិប្រជាធិបតេយ្យដោយរបៀបណា”។
លោក Wang បានកត់សម្គាល់ថា ជំនួសឱ្យការឆ្លុះបញ្ចាំង និងបង្កើតឱនភាពលទ្ធិប្រជាធិបតេយ្យ ដែលកំពុងកើនឡើងរបស់ខ្លួន សហរដ្ឋអាមេរិក បានបង្កើនកិច្ចខិតខំប្រឹងប្រែងរបស់ខ្លួនឡើងវិញ ដើម្បីលុបបំបាត់លទ្ធិប្រជាធិបតេយ្យរបស់សហរដ្ឋអាមេរិក និងបានជ្រៀតជ្រែកក្នុងកិច្ចការផ្ទៃក្នុងរបស់ប្រទេសផ្សេងទៀត ហើយថែមទាំងបានបង្កសង្គ្រាមក្នុងនាមការលើកកម្ពស់លទ្ធិប្រជាធិបតេយ្យផងដែរ៕ប្រែសម្រួល ឈូក បូរ៉ា
