ឧត្តមសេនីយ៍ ប្រាយុទ្ធថា លោកមិនខ្លាចការស៊ើបអង្កេត ក្រោយការផ្លាស់ប្តូរអំណាចឡើយ

បរទេស៖ នាយករដ្ឋមន្ត្រីជិតផុតអាណត្តិរបស់ថៃ លោក បា្រយុទ្ធ ចាន់អូចា បានធ្វើការកត់សម្គាល់ កាលពីថ្ងៃអង្គារដោយថា លោកមើលឃើញឱកាសតិចតួច ក្នុងការវិលត្រឡប់ទៅកាន់អំណាច មួយអាណត្តិទៀត។

យោងតាមសារព័ត៌មាន បាងកក ប៉ុស្តិ៍ ចេញផ្សាយនៅថ្ងៃទី៧ ខែមិថុនា ឆ្នាំ២០២៣ បានឱ្យដឹងថា ឧត្តមសេនីយ ប្រាយុទ្ធ បានឆ្លើយតបនឹងសំណួររបស់អ្នកសារព័ត៌មាន អំពីផែនការនយោបាយរបស់លោក ខណៈដែលប្លុកដែលដឹកនាំដោយគណបក្ស មូវ ហ្វ វ៉ើដ ធ្វើការដើម្បីបង្កើតរដ្ឋាភិបាលចម្រុះថ្មី។

លោក ប្រាយុទ្ធ ហាក់ដូចជារីករាយនៅពេល អ្នកសារព័ត៌មានសួរអំពីលទ្ធភាព នៃគណបក្សតូចៗដែលតែងតាំង លោកជានាយករដ្ឋមន្ត្រី ប្រសិនបើគណបក្ស មូ ហ្វ វ៉ើដ ឬ គណបក្ស ភឿថៃ ដែលជាអ្នកឈ្នះ និងជាលេខរៀងទី ១ នៅក្នុងការបោះឆ្នោតសកលរៀងៗខ្លួន បរាជ័យក្នុងការប្រមូលផ្តុំរដ្ឋាភិបាលចម្រុះ។

លោកឧត្តមសេនីយ៍ ប្រាយុទ្ធ បាននិយាយថា “កុំគិតទៅឆ្ងាយ។

ដោយសង្កត់លើទស្សនវិស័យនៃសម្ព័ន្ធភាព ដែលសម្រេចបានដូចការគ្រោងទុក លោកឧត្តមសេនីយ ប្រាយុទ្ធ ប្រធានយុទ្ធសាស្ត្រនៃគណបក្ស UTN បាននិយាយថា លោកមិនពាក់ព័ន្ធទេ ហើយថាការផ្តោតរបស់លោកគឺ លើការធ្វើការជាផ្នែកមួយនៃរដ្ឋាភិបាលចាំផ្ទះ។

លោកថា លោកមិនខ្លាចការស៊ើបអង្កេត ក្រោយការផ្លាស់ប្តូរអំណាចនោះទេ៕

ប្រែសម្រួលៈ ណៃ តុលា