បរទេស៖ អគារផ្ទះល្វែងចាស់មួយកន្លែងនៅក្នុងតំបន់ Kherson របស់លោកស្រី Lilya Pshenichnaya មិនត្រូវបានជន់ លិចនោះទេ ដោយសារតែវាឈរខ្ពស់ នៅពីលើច្រាំងខាងស្តាំនៃទន្លេ Dnipro នៅក្នុងមជ្ឈមណ្ឌលរដ្ឋបាល នៃតំបន់ភាគខាងត្បូង អ៊ុយក្រែន ដែលត្រូវបានកាន់កាប់ដោយរុស្ស៊ីប៉ុន្មានថ្ងៃ បន្ទាប់ពីសង្រ្គាម បានចាប់ផ្តើមជាងមួយឆ្នាំមុន។
កងកម្លាំងរុស្ស៊ីបានដកខ្លួនចេញពីទីក្រុង ក្នុងខែវិច្ឆិកា ប៉ុន្តែនៅតែគ្រប់គ្រងផ្នែកខាងក្រោម និងច្រាំងទន្លេខាងឆ្វេង ដែលត្រូវបានជន់លិច បន្ទាប់ពីទំនប់ទឹក Nova Kakhovka ដ៏ធំបានបាក់ កាលពីព្រឹកថ្ងៃអង្គារ។
លោកស្រីបានប្រាប់កាសែត Al Jazeera ពីសុវត្ថិភាពនៃ Odesa ដែលជាកំពង់ផែសមុទ្រខ្មៅចម្ងាយ ២០០គីឡូម៉ែត្រ (១២៤ ម៉ាយ) ភាគខាងលិចនៃតំបន់ Kherson ជាកន្លែងដែលលោកស្រី ផ្លាស់ទីលំនៅបន្ទាប់ពីការជាប់ឃុំឃាំងរុស្ស៊ីថា “គ្មានអ្វីក្រៅពីបញ្ហានោះទេ អ្វីគ្រប់យ៉ាងត្រូវបានជន់លិច ភូមិ និងព្រៃឈើ” ។
តំបន់ទំនាបមួយចំនួននៃស្រុកកំណើតរបស់លោកស្រី ក៏ស្ថិតក្រោមការជន់លិចដែរ ប៉ុន្តែកិច្ចខិតខំប្រឹងប្រែងជម្លៀស ត្រូវបានរារាំង ដោយការទម្លាក់គ្រាប់បែករបស់រុស្សី ពីច្រាំងខាងឆ្វេង ខណៈដែលគ្រាប់មីន ដែលបានដាំដោយការដកថយពីជនជាតិរុស្សី កាលពីប៉ុន្មានខែមុន អណ្តែតឡើង។
លោកស្រី Pshenichnaya បានលើកឡើងថា “បុរសរបស់យើងធ្វើចលនានៅលើទូក ប៉ុន្តែតំបន់ទាំងនោះ កំពុងត្រូវបានទម្លាក់គ្រាប់បែក មីនក៏លេចឡើង តំបន់ដែលត្រូវបានជីកយករ៉ែទាំងអស់ ត្រូវបានបំផ្ទុះដោយឯកឯង” ។
ទីក្រុងមូស្គូ និងទីក្រុងគៀវ បានចោទប្រកាន់គ្នាទៅវិញទៅមកថា បានបំផ្លាញទំនប់ដែលកាន់កាប់អាងស្តុកទឹកដ៏ធំបំផុតរបស់អ៊ុយក្រែន និងផ្តល់ទឹកដល់មនុស្សរាប់លាននាក់ នេះបើយោងតាមការចុះផ្សាយរបស់ទីភ្នាក់ងារសារព័ត៌មាន Aljazeera៕
ប្រែសម្រួល ឈូក បូរ៉ា
