បរទេស៖ មីស៊ីលរបស់រុស្ស៊ីមួយគ្រាប់បានវាយប្រហារទីក្រុងកំពង់ផែ Odesa ភាគខាងត្បូងប្រទេសអ៊ុយក្រែនកាលពីព្រឹកថ្ងៃពុធ ដោយបានសម្លាប់មនុស្សយ៉ាងហោចណាស់ ៣ នាក់ និង ១៣ នាក់ផ្សេងទៀតរងរបួស។
យោងតាមលទ្ធផល VOA ចេញផ្សាយនៅថ្ងៃទី១៤ ខែមិថុនា ឆ្នាំ២០២៣ បានឱ្យដឹងដោយផ្អែកតាមយោធាអ៊ុយក្រែនដែលបាននិយាយថា ការវាយប្រហារនោះមានជាប់ពាក់ព័ន្ធនឹងមីស៊ីល Kalibr ចំនួនបួន។
អាជ្ញាធរក្នុងតំបន់បាននិយាយថា មីស៊ីលមួយគ្រាប់បានវាយប្រហារលើឃ្លាំងមួយកន្លែងដែលមនុស្ស៣នាក់បានស្លាប់ ហើយការវាយប្រហាររបស់រុស្ស៊ីក៏បានធ្វើឱ្យខូចខាតផ្ទះសម្បែង និងហាងនានានៅក្នុងទីក្រុង Odesa ផងដែរ។
ក្រុមមន្ត្រីបាននិយាយថា ក្រុមអ្នកជួយសង្គ្រោះកំពុងស្វែងរកអ្នកដែលអាចត្រូវបានគេជឿថា កប់នៅក្នុងគំនរបាក់បែក។
ទីភ្នាក់ងារមនុស្សធម៌របស់អង្គការសហប្រជាជាតិបានថ្កោលទោសការវាយប្រហារនេះ។
អ្នកសម្របសម្រួលផ្នែកមនុស្សធម៌របស់អង្គការសហប្រជាជាតិប្រចាំប្រទេសអ៊ុយក្រែន លោក Denise Brown បាននិយាយនៅក្នុងសេចក្តីថ្លែងការណ៍មួយថា “ប្រជាជននៅទីក្រុង Odesa បានភ្ញាក់ឡើងម្តងទៀត ដោយឃើញមនុស្សជាទីស្រលាញ់របស់ពួកគេស្លាប់ ឬរងរបួសដោយការវាយប្រហារតាមអាកាសដាច់ដោយឡែក។ ការប្រើប្រាស់អាវុធជាតិផ្ទុះដែលមានផលប៉ះពាល់យ៉ាងទូលំទូលាយនៅក្នុងតំបន់ដែលមានប្រជាជនរស់នៅបានធ្វើឱ្យជនស៊ីវិលរាប់ពាន់នាក់រួមទាំងកុមារត្រូវបានស្លាប់និងរងរបួស។
នៅក្នុងខេត្ត Donetsk ភាគខាងកើតអ៊ុយក្រែន ក្រុមមន្ត្រីបាននិយាយថា ការវាយប្រហារដោយមីស៊ីលបានសម្លាប់មនុស្សយ៉ាងហោចណាស់៣នាក់នៅក្នុងទីក្រុង Kramatorsk និង Konstantinovka៕ប្រែសម្រួលៈ ណៃ តុលា
