ប៉េកាំង៖ ប្រទេសចិននៅថ្ងៃអង្គារនេះ បានបាញ់បង្ហោះរ៉ុក្កែត Long March-6 ដើម្បីដាក់ផ្កាយរណបពិសោធន៍ថ្មីមួយ នៅក្នុងលំហអាកាស នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិន ស៊ិនហួ។
រ៉ុក្កែតដែលផ្ទុកផ្កាយរណប ពិសោធន៍ Shiyan-25 បានបាញ់បង្ហោះនៅម៉ោង ១១ និង១៨នាទីព្រឹក ម៉ោងនៅទីក្រុងប៉េកាំង ចេញពីមជ្ឈមណ្ឌលបង្ហោះផ្កាយរណប Taiyuan ក្នុងខេត្តសានស៊ី ភាគខាងជើងប្រទេស ហើយផ្កាយរណប បានចូលទៅក្នុងគន្លង ដែលបានកំណត់ជាមុនដោយជោគជ័យ។
គួរបញ្ជាក់ថា ផ្កាយរណបនេះនឹងត្រូវបានប្រើជាចម្បង ដើម្បីអនុវត្តការពិសោធន៍ បច្ចេកវិទ្យាអង្កេតផែនដីថ្មី ហើយនេះគឺជាបេសកកម្មហោះហើរលើកទី៤៧៧ នៃស៊េរីរ៉ុក្កែតត្រកូល Long March៕
ប្រែសម្រួល ឈូក បូរ៉ា
