ស៊ីដនី៖ ក្រុមអ្នកស្រាវជ្រាវអូស្ត្រាលីបានព្រមានថា ការកើនឡើងនៃភ្លើងឆេះព្រៃខ្លាំងនៅជុំវិញពិភពលោក ដែលជំរុញដោយការប្រែប្រួលអាកាសធាតុ អាចធ្វើឲ្យការផ្លាស់ប្តូរអាកាសធាតុកាន់តែធ្ងន់ធ្ងរ និងបង្កហានិភ័យដល់សុខភាពនៃប្រព័ន្ធអេកូឡូស៊ី។
នៅក្នុងអត្ថបទមួយដែលត្រូវបានបោះពុម្ពផ្សាយនៅក្នុងទស្សនាវដ្តីសិក្សាវិទ្យាសាស្រ្តចុងក្រោយបំផុត អ្នកស្រាវជ្រាវមកពីសាកលវិទ្យាល័យ New South Wales និងសាកលវិទ្យាល័យ Tasmania បានពិនិត្យឡើងវិញនូវផលប៉ះពាល់យ៉ាងសំខាន់នៃភ្លើងឆេះព្រៃ ដែលមិនធ្លាប់មានពីមុនមករបស់ប្រទេសអូស្ត្រាលី ក្នុងឆ្នាំ២០១៩-២០២០ ហើយបានអំពាវនាវឱ្យមានការគិតឡើងវិញអំពីភាពចម្រុះនៃ វិធីសាស្រ្តនៃការគ្រប់គ្រងភ្លើង។
ភ្លើងឆេះព្រៃក្នុងឆ្នាំ២០១៩-២០២០ នៅប្រទេសអូស្ត្រាលីបានបង្កើនតំបន់ដែលឆេះបាន ៨០០ ភាគរយបើប្រៀបធៀបនឹងតំបន់ជាមធ្យម ដែលបានឆេះក្នុងឆ្នាំ១៩៨៨-២០០១ ដោយបញ្ចេញបរិមាណឧស្ម័នផ្ទះកញ្ចក់ស្មើនឹង ៨០ភាគរយនៃភ្លើងប្រចាំឆ្នាំរួមរបស់ប្រទេសអូស្ត្រាលី និងការបំភាយឥន្ធនៈហ្វូស៊ីល។
អគ្គីភ័យបានបណ្តាលឱ្យមានការផ្ទុះឡើងនៃព្យុះផ្គររន្ទះចំនួន ៤៤ បញ្ចេញផ្សែងយ៉ាងច្រើន ដែលប៉ះពាល់ដល់គំរូចរាចរនៃស្រទាប់ស្ត្រេស។ ផ្សែងក៏បានបង្កើតការបំពុលបរិយាកាសស្តូស្តេរ៉ូហ្វិច ដែលបណ្តាលឱ្យខូចខាតដល់ស្រទាប់អូហ្សូននៅពាក់កណ្តាលរយៈទទឹងនៃអឌ្ឍគោលខាងត្បូង។
លោក Jason Sharples សាស្ត្រាចារ្យនៃ Bushfire Dynamics នៅ UNSW Canberra បានលើកឡើងថា ភ្លើងឆេះដ៏ធំសម្បើមទាំងនេះ “មានឥទ្ធិពលយ៉ាងសំខាន់ទៅលើប្រព័ន្ធ ដែលមានឥទ្ធិពលលើអាកាសធាតុពិភពលោក” ។
លោកបន្ដថា “ចំនួនផ្សែង និងឧស្ម័នផ្ទះកញ្ចក់ដែលមិនធ្លាប់មានពីមុនមក ដែលបញ្ចេញដោយភ្លើងបាននាំឱ្យមានការបំពុលបរិយាកាសយ៉ាងសម្បើម ដែលធ្វើឱ្យខូចស្រទាប់អូហ្សូន បណ្តាលឱ្យមានការថយចុះនៃសីតុណ្ហភាពសមុទ្រ និងបង្កើតឱ្យមានផ្កាសារាយនៅមហាសមុទ្រខាងត្បូង ដែលមានទំហំធំជាងប្រទេសអូស្ត្រាលី”៕
ប្រែសម្រួល ឈូក បូរ៉ា
