បរទេស៖ អតីតមេបញ្ជាការកងទ័ពរបស់អង្គការណាតូ ជនជាតិអ៊ីតាលី លោក Marco Bertolini ដែលពេលនេះបានចូលនិវត្តទៅហើយនោះ កាលពីថ្ងៃម្សិលមិញនេះបានលើកឡើងថា ប្រទេសអ៊ុយក្រែន មិនអាចយកឈ្នះលើប្រទេសរុស្សី បានឡើយលើសមរភូមិប្រយុទ្ធ។
យោងតាមការចេញផ្សាយរបស់ RT លោកបានបញ្ជាក់ទៀតថា ក្រៅពីមានបច្ចេកវិទ្យាទំនើប នៃសព្វាវុធហើយនោះរុស្សី មានទាំងចំនួនទ័ពច្រើនជាងអ៊ុយក្រែន ហើយជាពិសេសយុទ្ធសាស្ត្រក្នុងការប្រយុទ្ធនិងវាយលុយមានប្រសិទ្ធភាពខ្លាំងផង។
បុរសរូបនេះដែលធ្លាប់កាន់កាប់កងពលធំមួយកាលពីអំឡុងទសវត្សឆ្នាំ២០០០បានបន្តទៀតថា៖ជ័យជម្នះរបស់អ៊ុយក្រែនគឺជារឿងដែលមិនអាចស្មានដល់ បាននិងទៅរួចឡើយហើយយើងត្រូវកត់សម្គាល់ថា នេះគឺជាការពិតនេះ ដូច្នេះមានតែតុចរចាប៉ុណ្ណោះជាជម្រើសល្អបំផុតសម្រាប់អ៊ុយក្រែន។
មេទ័ពចូលនិវត្តន៍នេះក៏បានស្នើដែរថា ឥឡូវនេះមានការយល់ឃើញជាច្រើនថា ការទាមទារយកទឹកដីដែលរុស្ស៊ីយកពីអ៊ុយក្រែនមកវិញ គឺជា មិនប្រាកដប្រជានិងទៅរួចនោះឡើយ ហើយជម្លោះនឹងអាចបញ្ចប់ទៅត្រឹមតែការចរចាគ្នាប៉ុណ្ណោះ៕ ប្រែសម្រួល៖ស៊ុនលី
![](https://dap-news.com/wp-content/uploads/2020/08/1-1.png)