រ៉ូម៖ លោក Giorgio Napolitano អតីតប្រធានាធិបតីអ៊ីតាលី និងកាន់អំណាចយូរបំផុតបានទទួលមរណភាពកាលពីថ្ងៃសុក្រក្នុងអាយុ ៩៨ឆ្នាំ នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោកត្រូវបានជ្រើសរើសជាប្រធានាធិបតីក្នុងឆ្នាំ២០០៦ ហើយបានក្លាយជាប្រមុខរដ្ឋដំបូងគេដែលឈរឈ្មោះសម្រាប់អាណត្តិ ៧ឆ្នាំទីពីរក្នុងឆ្នាំ២០១៣ ប៉ុន្តែលោកបានចុះចេញពីតំណែងនៅឆ្នាំ២០១៥ ដោយលើកឡើងពីអាយុ និងសុខភាពរបស់លោក ដោយលោកត្រូវបានជំនួសដោយប្រធានាធិបតីបច្ចុប្បន្នគឺ Sergio Mattarella ។
ជាមួយនឹងការកាន់តំណែងមានរយៈពេលជិត ៩ឆ្នាំ Napolitano គឺជាប្រមុខរដ្ឋរបស់ប្រទេសអ៊ីតាលីអស់រយៈពេលជិត ២ឆ្នាំយូរជាងប្រធានាធិបតីមុនៗទាំងអស់ ប៉ុន្តែលោក Mattarella ដែលជាអ្នកស្នងតំណែងរបស់ Napolitano ត្រូវបានកំណត់ឱ្យលើសពីរយៈពេលនៃអាណត្តិរបស់លោក Napolitano ក្នុងរយៈពេលពីរសប្តាហ៍។
ទោះបីជាដំណឹងនៃការស្លាប់របស់លោក Napolitano បានផ្ទុះឡើងកាលពីល្ងាចថ្ងៃសុក្រម៉ោងក្នុងស្រុកក៏ដោយ ក៏ការរំលែកទុក្ខជាផ្លូវការត្រូវបានផ្តល់ជូនចាប់ពីនាយករដ្ឋមន្ត្រីអ៊ីតាលីបច្ចុប្បន្ន Giorgia Meloni ដល់មេដឹកនាំនៃប្រទេសដទៃទៀត៕ ប្រែសម្រួល ឈូក បូរ៉ា
