អូតាវ៉ា៖ ទំនាក់ទំនងកាណាដា-ឥណ្ឌា បានធ្លាក់ដល់កម្រិតទាបបំផុតថ្មីមួយ ខណៈដែលប្រទេសទាំងពីរបានផ្លាស់ប្តូរការចោទប្រកាន់ និងបានចូលរួមក្នុងការបណ្តេញការទូត tit-for-tat ជុំវិញការធ្វើឃាតមេដឹកនាំ Sikh ដ៏លេចធ្លោរបស់ប្រទេសកាណាដាលោក Hardeep Singh Nijjar នៅលើទឹកដីកាណាដា កាលពី ៤ខែមុន។
រដ្ឋមន្ត្រីការបរទេសឥណ្ឌា លោក Subrahmanyam Jaishankar បានឲ្យដឹងថា មាន “អាកាសធាតុនៃអំពើហិង្សា និង បរិយាកាសនៃការបំភិតបំភ័យ” ប្រឆាំងនឹងអ្នកការទូតឥណ្ឌា នៅក្នុងប្រទេសកាណាដា នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Jaishankar បានឲ្យដឹងកាលពីល្ងាចថ្ងៃសុក្រក្នុងទីក្រុងវ៉ាស៊ីនតោនថា “ដោយសារតែមានសេរីភាពក្នុងការបញ្ចេញមតិ ដើម្បីធ្វើការគំរាមកំហែង និងបំភិតបំភ័យអ្នកការទូត ខ្ញុំគិតថាមិនអាចទទួលយកបាននោះទេ” ។
កាលពីដើមខែកញ្ញា នាយករដ្ឋមន្ត្រីកាណាដា លោក Justin Trudeau បានធ្វើសេចក្តីថ្លែងការណ៍ផ្ទុះមួយនៅក្នុងសភាថា រដ្ឋាភិបាលរបស់លោក កំពុងបន្ត “ការចោទប្រកាន់គួរឱ្យទុកចិត្ត” ពីចារកម្មកាណាដា ប្រឆាំងនឹងទីក្រុងញូវដេលី សម្រាប់ការដើរតួនាទីក្នុងការធ្វើឃាតលោក Nijjar ។
មេដឹកនាំ Sikh កាណាដា ធ្លាប់ជាអ្នកតស៊ូមតិដ៏លេចធ្លោនៃចលនា Khalistan ដែលស្វែងរកការបង្កើតស្រុកកំណើតដាច់ដោយឡែក សម្រាប់សហគមន៍ Sikh ក្នុងតំបន់ Punjab ភាគពាយ័ព្យនៃប្រទេសឥណ្ឌា។
ភ្លាមៗបន្ទាប់ពីការកត់សម្គាល់របស់លោក Trudeau រដ្ឋមន្ត្រីការបរទេសកាណាដា Melanie Joly បានប្រកាសបណ្តេញលោក Pavan Kumar Rai អ្នកការទូតជាន់ខ្ពស់ឥណ្ឌាប្រចាំប្រទេសកាណាដា ពីបទជាប់ពាក់ព័ន្ធក្នុងការសម្លាប់មេដឹកនាំ Sikh នៅក្នុងខេត្ត British Columbia នៃប្រទេសកាណាដា៕ ប្រែសម្រួល ឈូក បូរ៉ា
