បរទេស៖ យោងតាមការចេញផ្សាយរបស់ RT អតីតប្រធានាធិបតីរុស្ស៊ី លោក Dmitry Medvedev បានលាតត្រដាងកាលពីថ្ងៃព្រហស្បតិ៍ម្សិលមិញនេះថា រុស្សី បានជ្រើសបានយោធាថ្មី ចំនួនដល់ទៅ៤១ម៉ឺននាក់ ក្នុងនៅឆ្នាំនេះ។
សេចក្តតីថ្លែងការណ៍បញ្ជាក់ចំនួនរបស់លោកអនុប្រធានក្រុមប្រឹក្សាសន្តិសុខជាតិរុស្សីរូបនេះ បានធ្វើឡើងនៅក្នុងអំឡុងពេលដែលគាត់កំពុងបំពេញទស្សនកិច្ចនៅកន្លែងហ្វឹកហ្វឺនយោធា Alabino នៅខាងក្រៅក្រុងម៉ូស្គូ។
លោក Medvedev បានត្រួតពិនិត្យកងទ័ពជាមួយនឹងកងវរសេនាធំវាយប្រហារតាមអាកាសទី ៣៣៧ដោយមើលអង្គភាពក្នុងការហ្វឹកហ្វឺន និងរៀបចំកិច្ចប្រជុំជាមួយមេបញ្ជាការរបស់ខ្លួន និងមន្ត្រីយោធាជាន់ខ្ពស់ផ្សេងទៀត។
គួរឲ្យដឹងដែរថាក្នុងជំនួបនោះផងដែរ លោក Medvedev បាននិយាយថា យោធារបស់ប្រទេសបាននិងកំពុងពង្រឹងជួរខ្លួនជាលំដាប់ក្នុងរយៈពេលប៉ុន្មានឆ្នាំចុងក្រោយនេះ៕ ប្រែសម្រួល៖ស៊ុនលី
