បរទេស ៖ យោងតាមការ ចេញផ្សាយរបស់ RT រុស្ស៊ីបានស្នើសុំសម័យប្រជុំ បន្ទាន់នៃក្រុមប្រឹក្សាសន្តិសុខ អង្គការសហប្រជាជាតិ ដើម្បីពិភាក្សាអំពីការបាញ់ ទម្លាក់យន្តហោះយោធា ដឹកអ្នកទោសសង្គ្រាម អ៊ុយក្រែន។
ការលើកឡើងដោយរដ្ឋមន្ត្រីការបរទេសលោក Sergey Lavrov បានប្រាប់សន្និសីទ សារព័ត៌មាននេះបានធ្វើឡើង នៅទីក្រុងញូវយ៉កកាលពីរសៀលថ្ងៃពុធ ប៉ុន្មានម៉ោងបន្ទាប់ពីឧបទ្ទវហេតុនេះ ។
យោងតាមក្រសួងការពារជាតិរុស្ស៊ី បានឱ្យដឹងថា យន្តហោះដឹកទំនិញ IL-76 បានធ្លាក់នៅតំបន់ Belgorod កាលពីព្រឹកថ្ងៃពុធ ដោយបានឆក់យកជីវិត POWs អ៊ុយក្រែន៦៥នាក់ ព្រមទាំងសមាជិក នាវិក៦នាក់ និងទាហានរុស្ស៊ី៣ នាក់។
គួរឲ្យដឹងដែរថាក្រុមអ្នកទោស ទាំងនោះត្រូវបានគេបញ្ជូនទៅក្រុង Belgorod ជាទីក្រុងក្បែរព្រំដែនអ៊ុយក្រែន ដើម្បីដោះដូរទាហានរុស្ស៊ីដែលចាប់បាន៕
ប្រែសម្រួល៖ស៊ុនលី
