ប៉េកាំង ៖ សេតវិមានបានឲ្យដឹងថា សហរដ្ឋអាមេរិក និងចិន កំពុងរៀបចំផែនការហៅទូរស័ព្ទរវាងប្រធានាធិបតីអាមេរិកលោក ចូ បៃដិន និងសមភាគីចិនលោក ស៊ី ជីនពីង នៅក្នុងសប្តាហ៍ខាងមុខនេះ” ។
លោក វ៉ាង យី បានបញ្ជាក់ថា ប្រទេសទាំងពីរ នឹងកសាងលើកិច្ចព្រមព្រៀង អតីតកាលរបស់ពួកគេ ដូចជាការរក្សាបណ្តាញទំនាក់ទំនងកម្រិតខ្ពស់បើកចំហ ទោះបីជាមានមតិខុសគ្នាអំពីបញ្ហាសំខាន់ៗមួយចំនួន និងបន្តកិច្ចសហប្រតិបត្តិការ លើវិស័យរួមទាំងការប្រឆាំងគ្រឿងញៀន និងការប្រែប្រួលអាកាសធាតុ។
លោក Sullivan និងលោក វ៉ាង យី មានការពិភាក្សាគ្នា ប៉ុន្តែដំណើរទស្សនកិច្ចរបស់ជំនួយការកំពូលរបស់សហរដ្ឋអាមេរិក ទៅកាន់ប្រទេសចិន គឺជាលើកទីមួយរបស់លោក ចាប់តាំងពីការចាប់ផ្តើមនៃរដ្ឋបាលលោក បៃដិន ក្នុងឆ្នាំ២០២១។
សេតវិមានបានឲ្យដឹងថា ក្នុងអំឡុងពេលកិច្ចពិភាក្សាចុងក្រោយបំផុតជាមួយលោក វ៉ាង យី លោក Sullivan ដែលការធ្វើដំណើរទៅកាន់ប្រទេសចិន នឹងធ្វើឡើងរហូតដល់ ដល់ថ្ងៃព្រហស្បតិ៍នេះ បានសង្កត់ធ្ងន់ថា សហរដ្ឋអាមេរិក នឹងបន្តចាត់វិធានការចាំបាច់ ដើម្បីរារាំងប្រទេសចិន ពីការប្រើប្រាស់ បច្ចេកវិទ្យាទំនើប របស់សហរដ្ឋអាមេរិក ដើម្បីធ្វើឱ្យប៉ះពាល់ដល់សន្តិសុខជាតិរបស់ខ្លួន។
ក្នុងចំណោមបញ្ហាផ្សេងទៀត ប្រភពបានឲ្យដឹងថា លោក Sullivan បានសម្តែងការព្រួយបារម្ភអំពីជំនួយរបស់ចិន សម្រាប់មូលដ្ឋានឧស្សាហកម្ម ការពារជាតិរបស់រុស្ស៊ី និងផលប៉ះពាល់របស់វាទៅលើសន្តិសុខ អឺរ៉ុប និងឆ្លងកាត់អាត្លង់ទិក ហើយបានរំលឹកឡើងវិញ នូវការប្តេជ្ញាចិត្តរបស់វ៉ាស៊ីនតោន ក្នុងការការពារសម្ព័ន្ធមិត្តឥណ្ឌូប៉ាស៊ីហ្វិករបស់ខ្លួន ៕
ប្រែសម្រួល ឈូក បូរ៉ា
