បរទេស ៖ យោងតាមការចេញផ្សាយរបស់ RT អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានព្រមានកាលពីថ្ងៃសៅរ៍ថា ភ្លើងខៀវ បើកទ្វារបស់បារាំង សម្រាប់ការវាយប្រហារនៅទីក្រុងគៀវ ចូលជ្រៅលើទឹកដីរុស្ស៊ី ដែលទទួលស្គាល់ជាអន្តរជាតិ នឹងធ្វើឱ្យប៉ះពាល់ដល់អ៊ុយក្រែន និងធ្វើឱ្យជម្លោះកាន់តែធ្ងន់ធ្ងរ ថែមទៀតប៉ុណ្ណោះ។
ការលើកឡើងរបស់លោកស្រី បានធ្វើឡើងបន្ទាប់ពីការថ្លែង របស់រដ្ឋមន្ត្រីការបរទេសបារាំង លោក Jean-Noel Barrot។ នៅក្នុងបទសម្ភាសន៍ជាមួយ BBC លោក Barrot បាននិយាយថា ទីក្រុងប៉ារីស មិនកំណត់ និងបង្ហាញបន្ទាត់ក្រហម លើការគាំទ្ររបស់ខ្លួនចំពោះទីក្រុងគៀវនោះទេហើយការវាយប្រហាររយៈចំងាយឆ្ងាយលើទឹកដីរុស្ស៊ីអាចត្រូវបានអនុវត្តដោយអ៊ុយក្រែន នៅក្នុងភាពពិតជាក់ស្តែងនៃការការពារខ្លួន។
លោកស្រី Zakharova បានប្រាប់ TASS ដោយសំដៅលើសេចក្តីថ្លែងការណ៍របស់លោក Barrot ថា ៖នេះមិនមែនជាការគាំទ្រសម្រាប់អ៊ុយក្រែនទេ ប៉ុន្តែវាជាវិធីមួយដើម្បីបញ្ចប់ជីវិតរបស់អ៊ុយក្រែនទៅវិញនោះទេ។
រដ្ឋមន្ត្រីបារាំងរូបនេះ ទោះបីជាយ៉ាងណាក្តីមិនបានបញ្ជាក់ថា តើមីស៊ីលពីប្រទេស របស់លោកត្រូវបានគៀវប្រើរួចហើយសម្រាប់ការវាយប្រហាររយៈចម្ងាយឆ្ងាយមកលើរុស្ស៊ី ឬយ៉ាងណានោះទេ ។
នៅពេលដែលត្រូវបានសួរដោយ BBC ថា តើការអត្ថាធិប្បាយ គ្មានបន្ទាត់ក្រហម របស់គាត់មានន័យថាទីក្រុងប៉ារីស អាចបញ្ជូនទាហានបារាំង ទៅប្រយុទ្ធជាមួយអ៊ុយក្រែន ឬអត់ គាត់បាននិយាយថាគាត់ បារាំងនឹងមិនបោះបង់ ជម្រើសណាមួយទេ៕
ប្រែសម្រួល៖ស៊ុនលី
