បរទេស៖ យោងតាមការចេញផ្សាយរបស់ RT អ៊ុយក្រែនកំពុង រៀបចំចុះហត្ថលេខា លើកិច្ចព្រមព្រៀងរ៉ែ ដែលបានពិភាក្សាជាយូរជាមួយ សហរដ្ឋអាមេរិកនៅព្រឹកថ្ងៃពុធនេះ។
ការពិភាក្សាលើកិច្ចព្រមព្រៀងនេះ ដែលរួមមានមូលនិធិរួម សម្រាប់ការអភិវឌ្ឍធនធានរបស់ប្រទេស គឺជាប្រភពនៃភាពតានតឹងរវាងទីក្រុងគៀវ និងវ៉ាស៊ីនតោន អស់រយៈពេលជាច្រើនខែមកហើយនោះ។
នាយករដ្ឋមន្ត្រីអ៊ុយក្រែន លោក Denis Shmigal បានបញ្ជាក់ថា ភាគីទាំងពីររំពឹងថា នឹងចុះហត្ថលេខាលើកិច្ច ព្រមព្រៀងនេះក្នុងរយៈពេល២៤ម៉ោងនេះ ដោយបន្ថែមថាទីក្រុងគៀវ នឹងប្រគល់ពាក់កណ្តាល នៃប្រាក់ចំណូលពី ការទាញយកធនធានទៅឱ្យមូលនិធិរួមគ្នារវាងសហរដ្ឋអាមេរិក និងអ៊ុយក្រែន។
ប្រទេសអ៊ុយក្រែន និងសហរដ្ឋអាមេរិក បានធ្វើការតាំងពីខែកុម្ភៈ ដើម្បីបញ្ចប់កិច្ចព្រមព្រៀង ដែលផ្តល់សិទ្ធិ ឱ្យទីក្រុងវ៉ាស៊ីនតោន ចូលទៅកាន់ប្រាក់បញ្ញើរ៉ែកម្រ និងរ៉ែផ្សេងទៀត របស់ប្រទេសនេះ។
គួរឲ្យដឹងដែរថារដ្ឋបាល របស់ប្រធានាធិបតីអាមេរិក លោក Donald Trump បានពណ៌នាកិច្ចព្រមព្រៀងថា ជាផ្លូវ ទៅរកការប្រមូលថវិកាមកវិញ ដែលក្រុងវ៉ាស៊ីនតោន បានចំណាយជួយ អ៊ុយក្រែនក្នុងជម្លោះជាមួយរុស្ស៊ីហើយ ទោះបីជាយ៉ាងណាក៏ដោយ មន្ត្រីអ៊ុយក្រែនបានទទូចថា ការគាំទ្ររបស់សហរដ្ឋអាមេរិក ទាំងអស់ត្រូវបានផ្តល់ ជូនដោយគ្មានលក្ខខណ្ឌនោះទេ៕
ប្រែសម្រួល៖ស៊ុនលី
